വിവാഹമോചനം: നവാസുദ്ദീൻ സിദ്ദിഖിക്ക്​ ഭാര്യ ആലിയയുടെ വക്കീൽ നോട്ടീസ്​

ന്യൂഡൽഹി: വിവാഹ മോചനവും ജീവനാംശവും ആവശ്യപ്പെട്ട്​ ബോളിവുഡ്​ താരം നവാസുദ്ദീൻ സിദ്ദിഖിക്ക്​ ഭാര്യ ആലിയ സിദ്ദിഖിയുടെ വക്കീൽ നോട്ടീസ്​. കോവിഡ്​ വ്യാപനം കാരണം സ്​പീഡ്​ പോസ്​റ്റ്​ സൗകര്യം ലഭ്യമല്ലാത്തിനാൽ ഇ- മെയിലായും വാട്​സാപ്പ്​ വഴിയുമാണ്​ നോട്ടീസ്​ അയച്ചതെന്ന്​ ആലിയയുടെ അഭിഭാഷകൻ അഭയ്​ സഹായ്​ പറഞ്ഞു. മെയ്​​ ഏഴാം തിയതി അയച്ച നോട്ടീസിനോട്​ നടൻ ഇതുവരെ പ്രതികരിച്ചില്ല. 

45കാരനായ സിദ്ദിഖി കുടുംബത്തോ​ടൊപ്പം ഈദ്​ ആഘോഷിക്കാനായി ജന്മനാടായ ഉത്തർപ്രദേശിലെ ബുധാനയിലാണ്​. മഹാരാഷ്​ട്രയിൽ നിന്നും യു.പിയിലേക്ക്​ പോയ നടനും കുടുംബവും അവിടെ 14 ദിവസത്തെ വീട്ടുനിരീക്ഷണത്തിൽ കഴിയുകയാണ്​​. 2009ൽ വിവാഹിതരായ ഇരുവർക്കും രണ്ട്​ കുട്ടികളുണ്ട്​.