‘പത്മാവതി’ സിനിമ: കർണി സേനയുടെ നേതാവിന്​ പാകിസ്​താനിൽ നിന്ന്​ വധഭീഷണി

കോട്ട (രാജസ്​ഥാൻ): ദേശീയതലത്തിൽ ‘പത്മാവതി’ സിനിമ വിവാദം ചൂടുപിടിക്കുന്നതിനിടെ ​സിനിമക്കെതിരെ പ്രക്ഷോഭരംഗത്തുള്ള കർണി സേനയുടെ നേതാവിന്​ പാകിസ്​താനിൽനിന്ന്​ വധഭീഷണി. രജപുത്ര സംഘടനയായ കർണിസേന ദേശീയ അധ്യക്ഷൻ ​ലോകേന്ദ്ര സിങ്ങിനെ ബോംബെറിഞ്ഞ്​ വധിക്കുമെന്ന്​ കറാച്ചിയിൽനിന്ന്​ ഫോൺചെയ്​തയാൾ ഭീഷണിപ്പെടുത്തിയതായി പാർട്ടിയുടെ സംസ്​ഥാന നേതാവ്​ മഹിപാൽ സിങ്​ മക്രണ പറഞ്ഞു. സിനിമയുടെ സാമ്പത്തിക ​േസ്രാതസ്സ്​ ഭീകര സംഘടനകളാണെന്നും​ ഇക്കാര്യം സി.ബി​.​െഎ അന്വേഷിക്കണമെന്നും അദ്ദേഹം ആവശ്യപ്പെട്ടു. 

പാകിസ്​താനിൽനിന്ന്​ തനിക്ക്​ ​ഫോൺ ചെയ്​തയാൾ 1993ലെ ബോംബ്​ സ്​ഫോടനങ്ങളുടെ കാര്യം ഒാർമപ്പെടുത്തിയെന്നും മക്രണ പറഞ്ഞു. സിനിമക്ക്​ പണം നൽകിയവർക്കെതിരെ എൻഫോഴ്​സ്​മ​​െൻറ്​ ഡയറക്​ടറേറ്റും സി.ബി.​െഎയും അന്വേഷിക്കണം. ചരിത്രത്തെ വളച്ചൊടിക്കുകയാണ്​ സിനിമയെന്നും രജപുത്രരുടെ വികാരത്തെ വ്രണപ്പെടുത്തുന്നതാണെന്നും അദ്ദേഹം പറഞ്ഞു.