ഹസ്​തദാനം വേണ്ട, നമുക്ക്​ ‘നമസ്​തേ’യും ‘സലാ’മും ഉണ്ടല്ലോയെന്ന്​ സൽമാൻ

മുംബൈ: രാജ്യത്ത്​ കൂടുതൽ കൊറോണ വൈറസ്​ കേസുകൾ റിപ്പോർട്ട്​ ചെയ്യപ്പെടുന്ന സാഹചര്യത്തിൽ ഹസ്​തദാനം ഉപേക്ഷി ക്കാമെന്ന ഉപദേശവുമായി ബോളിവുഡ്​ സൂപ്പർ താരം സൽമാൻ ഖാൻ രംഗത്ത്​.

ഹസ്​തദാനത്തിന്​ പകരം നമുക്ക്​ ‘നമസ്​തേ’യും ‘സലാ’മും ഉണ്ട​േല്ലായെന്നാണ്​ സൽമാൻ ചൂണ്ടിക്കാട്ടുന്നത്​. ജിമ്മിൽ വ്യായാമം ചെയ്യുന്നതിനിടെ കൈകൂപ്പി ഇരിക്കുന്ന ചിത്രവും ആരാധകർക്കുള്ള ഈ സന്ദേശത്തോടൊപ്പം സൽമാൻ ഇൻസ്​റ്റ​ഗ്രാമിൽ പോസ്​റ്റ്​ ചെയ്​തിട്ടുണ്ട്​.

‘നമസ്​കാർ... നമ്മുടെ പാരമ്പര്യത്തിൽ നമസ്​തേയും സലാമും ഉണ്ട്​. കൊറോണ വൈറസ്​ പോയ ശേഷം നമുക്ക്​ ഹസ്​തദാനവും കെട്ടിപ്പിടിക്കലുമൊക്കെ ചെയ്യാം’ എന്നാണ്​ സൽമാൻ ഇൻസ്​റ്റഗ്രാമിൽ കുറിച്ചത്​.

കഴിഞ്ഞ ദിവസം ഇതേ ഉപദേശവുമായി നടൻ അനുപം ഖേറും രം​ഗത്തെത്തിയിരുന്നു.