സുശാന്തി​െൻറ മരണം: സഞ്​ജയ്​ ലീലാ ബൻസാലിയെ ചോദ്യം ചെയ്യും

മുംബൈ: ബോളിവുഡ്​ നടൻ സുശാന്ത്​ സിങ്​ രജപുത്തി​​​െൻറ മരണവുമായി ബന്ധപ്പെട്ട്​ സംവിധായകൻ സഞ്​ജയ്​ ലീലാ ബൻസാലിയെ പൊലീസ്​ ചോദ്യം ചെയ്യും. ന്യൂസ്​ 18യാണ്​ വാർത്ത റിപ്പോർട്ട്​ ചെയ്​തത്​. ഹാജരാകാൻ ആവശ്യപ്പെട്ട്​ ബൻസാലിക്ക്​ മുംബൈ ​പൊലീസ്​ സമൻസ്​ നൽകി.

യഷ്​രാജ്​ ഫിലിംസിലെ കാസ്​റ്റിങ്​ ഡയറക്​ടറായ ഷാനു ശർമ്മയോട്​ രണ്ടാംവട്ട ചോദ്യം ചെയ്യലിന്​ ഹാജരാവാനും പൊലീസ്​ നിർദേശിച്ചിട്ടുണ്ട്​. ജൂൺ 28ന്​ ഷാനു ശർമ്മയെ പൊലീസ്​ ചോദ്യം ചെയ്​തിരുന്നു. സുശാന്ത്​ സിങ്​ രജപുത്ത്​ അഭിനയിച്ച ശുദ്ധ്​ ദേശി റൊമാൻസി​​​െൻറ കാസ്​റ്റിങ്​ ഡയറക്​ടർ ഷാനു ശർമ്മയായിരുന്നു.

നടി കങ്കണ റാവത്ത്​, സംവിധായകൻ ശേഖർ കപൂർ തുടങ്ങിയവരുടെ മൊഴി രേഖപ്പെടുത്തുമെന്നും ​പൊലീസ്​ അറിയിച്ചു. ഇരുവരുടേയും അഭിമുഖങ്ങളുടേയും സാമൂഹിക മാധ്യമങ്ങളിലെ പോസ്​റ്റുകളുടേയും അടിസ്ഥാനത്തിലാവും മൊഴി രേഖപ്പെടുത്തുക. നേരത്തെ സുശാന്തി​​​െൻറ അടുത്ത സുഹൃത്തുക്കളേയും കുടുംബാംഗങ്ങളേയും പൊലീസ്​ ചോദ്യം ചെയ്​തിരുന്നു.

Latest Video: