ഒപ്പത്തിലെ 'മിനുങ്ങും മിന്നാ മിനുങ്ങേ'

മോഹന്‍ലാലിനെ നായകനാക്കി പ്രിയദര്‍ശന്‍ സംവിധാനം ചെയ്യുന്ന 'ഒപ്പം' എന്ന ചിത്രത്തിലെ മിനുങ്ങും മിന്നാ മിനുങ്ങേ എന്ന ഗാനം പുറത്തിറങ്ങി. എം.ജി ശ്രീകുമാറും ശ്രേയാ ജയദീപും ചേര്‍ന്നാണ് ഗാനം ആലപിച്ചിരിക്കുന്നത്. ഡോ. മധു വാസുദേവനും ബി.കെ. ഹരിനാരായണനും രചിച്ച ഗാനങ്ങൾക്ക് ഈണം നൽകിയത് ഫോർ മ്യൂസിക്സ് എന്ന പേരിൽ ജിം, ബിബി, എൽദോസ്, ജസ്റ്റിൻ എന്നിവർ ചേർന്നാണ്.

ചിത്രത്തില്‍ അന്ധനായ കഥാപാത്രമായാണ് ലാല്‍ എത്തുന്നത്. ഒരു ക്രൈം ഇന്‍വസ്റ്റിഗേഷന്‍ ത്രില്ലറാണ് ചിത്രം. നവാഗതനായ ഗോവിന്ദ് വിജയിന്റെതാണ് കഥ.തമിഴ്‌നടന്‍ സമുദ്രക്കനിയാണ് ചിത്രത്തില്‍ വില്ലന്‍ വേഷം ചെയ്യുന്നത്.

ബേബി മീനാക്ഷി, വിമല രാമന്‍, അനുശ്രീ, രണ്‍ജി പണിക്കര്‍, നെടുമുടി വേണു, മാമുക്കോയ, ഇന്നസെന്റ്, കുഞ്ചന്‍, സിദ്ദിഖ് എന്നിവരാണ് മറ്റു പ്രധാന വേഷങ്ങള്‍ അവതരിപ്പിക്കുന്നത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണു ചിത്രം നിര്‍മ്മിക്കുന്നത്.