പ്രതികാരം മനസ്സിൽ കൊണ്ട് നടക്കുന്നത് ബുദ്ധിശൂന്യം -മോഹൻലാൽ

മഹേഷിന്‍റെ പ്രതികാരം 125 ദിവസമാഘോഷിക്കുമ്പോൾ ചിത്രത്തെ പ്രശംസിച്ച് നടൻ മോഹൻലാൽ. ചിത്രം തനിക്കേറെ ഇഷ്ടമായെന്നും ഫഹദ് ഉൾപടെയുള്ള താരങ്ങൾ മികച്ച പ്രകടനം കാഴ്ച വെച്ചെന്നും വിഡിയോ സന്ദേശത്തിലൂടെ മോഹൻലാൽ പറഞ്ഞു. ചിത്രത്തിന്‍റെ നിർമാതാവ് ആഷിഖ് അബു ഫേസ്ബുക്കിലൂടെയാണ് വിഡിയോ പങ്കുവെച്ചത്.

125ാം ആഘോഷവേളയിൽ എത്താനാവില്ല. നല്ല സിനിമകൾക്ക് മഹേഷിന്‍റെ പ്രതികാരം തുടക്കമാവട്ടെ. പ്രതികാരം മനസ്സിൽ കൊണ്ട് നടക്കുന്നത് ബുദ്ധിശൂന്യം എന്ന സന്ദേശം സിനിമയിൽ മനോഹരമായി ചിത്രീകരിച്ചിട്ടുണ്ടെന്നും ലാൽ പറഞ്ഞു.