ഷാജിപാപ്പാനും പി​േള്ളരും വീണ്ടുമെത്തുന്നു -ആട്​​ മൂന്നാം ഭാഗത്തിൻെറ ഒൗദ്യോഗിക പ്രഖ്യാപനം

ജയസൂര്യ -വിജയ്​ ബാബു കൂട്ടുകെട്ടിൻെറ എക്കാലത്തെയും ഹിറ്റ്​ ചിത്രമാണ്​ ആട്​. 2015ൽ ആടിൻെറ​ ഒന്നാം ഭാഗം- ആട്​ ഒരു ഭീകര ജീവിയാണ്​ തിയറ്ററുകളിൽ പ്രതീക്ഷിച്ചത്ര വിജയം നേടിയില്ലെങ്കിലും പിന്നീട്​ മലയാളികൾക്കിടയിൽ തരംഗമായി മാറുകയായിരുന്നു.

ശേഷം 2017 ൽ അതേ കൂട്ടുകെട്ടുതന്നെ ആടിന്​ രണ്ടാം ഭാഗവും ഒരുക്കി. അതിൻെറ വിജയത്തിന്​ പിന്നാലെ മൂന്നാം ഭാഗം അടുത്തുതന്നെ ഉണ്ടാകുമെന്ന്​ പ്രഖ്യാപിച്ചിരിക്കുകയാണ്​ ആട്​ സിനിമ ടീം. സംവിധായകൻ മിഥുൻ മാനുവൽ തോമസ്​, നിർമാതാവ്​ വിജയ്​ ബാബു തുടങ്ങിയവർ ഫേസ്​ബുക്ക്​ പോസ്​റ്റിലൂടെ ഇക്കാര്യം അറിയിച്ചു.

ഷാൻ റഹ്​മാനായിരിക്കും സംഗീതം. ആടിന്​ മൂന്നാംഭാഗം ഒരുങ്ങുന്നതായി മിഥുൻ മാനുവൽ തോമസ്​ നേരത്തേ അറിയിച്ചിരുന്നു. ഇത്​ ത്രീഡിയിൽ ആകും ഒരുക്കുക എന്നാണ്​ വിവരം.

ജയസൂര്യയുടെ ഷാജിപാപ്പാൻ, വിനായകൻെറ ഡ്യൂഡ്​, സൈജു കുറുപ്പിൻെറ അറക്കൽ അബു, ധർമജൻ ബോൾഗാട്ടിയുടെ ക്യാപ്​റ്റൻ ക്ലീറ്റസ്​, വിജയ്​ ബാബുവിൻെറ സർബത്ത്​ ഷമീർ തുടങ്ങിയ കഥാപാത്രങ്ങൾക്കൊപ്പം പിങ്കി ആടിനെയും മലയാളികൾ ഒന്നടങ്കം ആഘോഷമാക്കിയിരുന്നു. വലിയൊരു താര നിരയിൽ ആദ്യ രണ്ടു ഭാഗംപോലെ തന്നെ ദൃശ്യവിരുന്നായിരിക്കും ആടിൻെറ മൂന്നാം ഭാഗമെന്നുമാണ്​ വിവരം.