ദിലീപ്​ രൂപീകരിച്ച​ സംഘടനയെ ഇനി ആൻറണി പെരുമ്പാവൂർ നയിക്കും

കൊച്ചി: ദിലീപ്​ രൂപീകരിച്ച്​ തിയേറ്റർ ഉടമകളുടെ സംഘടനയായ ഫിയോക്(ഫിലിം എക്​സിബിറ്റേഴ്​സ്​ യുണൈറ്റഡ്​ ഒാർഗനൈസേഷൻ)​ പ്രസിഡൻറായി ആൻറണി പെരുമ്പാവൂറിനെ തെരഞ്ഞെടുത്തു. നേര​ത്തെ ദിലീപായിരുന്നു സംഘടനയുടെ പ്രസിഡൻറ്​ എന്നാൽ നടി ആക്രമിക്കപ്പെട്ട സംഭവത്തിൽ കുറ്റാക്കാരനാണെന്ന്​ തെളിഞ്ഞതോടെ സംഘടനയിൽ നിന്ന്​ ദിലീപിനെ പുറത്താക്കുകയായിരുന്നു. ഇതോടെയാണ്​ ​ആശീർവാദ്​ സിനിമാസി​​​െൻറ ഉടമയും സംഘടനയുടെ വൈസ്​ പ്രസിഡൻറുമായ ആൻറണി പെരുമ്പാവൂരിനെ പ്രസിഡൻറായി തെരഞ്ഞെടുത്തത്​. കൊച്ചിയിൽ നടന്ന ഫിയോക്കി​​​െൻറ എക്​സിക്യൂട്ടീവ്​ കമ്മിറ്റി യോമാണ്​ തീരുമാനമെടുത്തത്​.

നേ​രത്തെ ലിബർട്ടി ബഷീറി​​​​െൻറ നേതൃത്വത്തിലുള്ള സംഘടന പിളർത്തിയാണ്​ ദിലീപ്​ ഫിയോക്കിന്​ രൂപം നൽകിയത്​. സിനിമ സമരത്തി​​​​െൻറ പശ്​ചാത്തലത്തിലായിരുന്നു ദിലീപി​​​​െൻറ നീക്കം. എന്തായാലും നടി ആക്രമിക്കപ്പെട്ട കേസിൽ അറസ്​റ്റിലായതോടെ മറ്റ്​ സംഘടനകളിൽ നിന്ന്​ പുറത്ത്​ പോയതുപോലെ ദിലീപിനെ​ ഫിയോക്കിൽ നിന്ന് ഒഴിവാക്കുകയായിരുന്നു.​  

ദിലീപ്​ നായകനാവുന്ന ചിത്രം രാമലീലയുടെ റിലീസ്​ തടയില്ലെന്ന്​ ആൻറണി പെരുമ്പാവുർ അറിയിച്ചു. സിനിമയുടെ നിർമാതാക്കൾ റിലീസിനായി സമീപിച്ചിട്ടില്ല. അവർ സമീപിച്ചാൽ റിലീസിന്​ എല്ലാ പിന്തുണയും നൽകുമെന്ന്​ ആൻറണി പെരുമ്പാവൂർ പറഞ്ഞു.