ആരാധനാലയങ്ങളിൽ നേർച്ചകളുമായി ദിലീപ് എത്തി

ആലുവ : ജയിൽ മോചിതനായി രണ്ടാമത്തെ ദിവസം ദിലീപ് നേർച്ചകളുമായി ആരാധനാലയങ്ങളിലെത്തി.  ജയിലിൽ കിടക്കവെ മോചനത്തിനായി പല നേർച്ചകളും നേർന്നിരുന്നു. അതിൻറെ ഭാഗമായി വ്യാഴാഴ്ച രാവിലെ ആദ്യം ആലുവയിലെ പ്രധാന ക്രൈസ്തവ തീർഥാടന കേന്ദ്രമായ എട്ടേക്കർ സ​​െൻറ്.ജൂഡ് പള്ളിയിലാണെത്തിയത്. വ്യാഴാഴ്ചയാണ് ഇവിടെ പ്രധാന ആരാധനകൾ നടക്കുന്നത്. 

രാവിലെ 6.45 ന് തന്നെ പള്ളിയിലെത്തിയ ദിലീപ് ദിവ്യബലിയിലും നൊവേനയിലും പങ്കെടുത്തു. വഴിപാടുകൾ നടത്തിയ ശേഷം നേർച്ചകഞ്ഞി കുടിച്ചാണ് എട്ടുമണിയോടെ മടങ്ങിയത്. സുഹൃത്തുക്കളായ ജെറോം മൈക്കിൾ, ശരത്ത്, ഏലൂർ ജോർജ്ജ് എന്നിവർക്കൊപ്പമാണ്‌ അദ്ദേഹം പള്ളിയിലെത്തിയത്. ഇതിന് ശേഷം ചില ക്ഷേത്രങ്ങളിൽ കൂടി അദ്ദേഹം സന്ദർശനം നടത്തി.