നടിയെ ആക്രമിച്ച കേസിൽ ദിലീപ് ഒന്നാം പ്രതിയായേക്കും

കൊച്ചി: നടിയെ തട്ടിക്കൊണ്ടുപോയി ആക്രമിച്ച കേസിൽ നടൻ ദിലീപ്​ ഒന്നാം പ്രതിയായേക്കും. എ.ഡി.ജി.പി ബി. സന്ധ്യയുടെ നേതൃത്വത്തിൽ വ്യാഴാഴ്​ച ആലുവ പൊലീസ്​ ക്ലബിൽ നടക്കുന്ന അന്വേഷണസംഘത്തി​​െൻറ യോഗത്തിൽ ഇക്കാര്യത്തിൽ അന്തിമ തീരുമാനമെടുക്കും. ദിലീപി​​െൻറ​ നിർദേശം പൂർണമായി പാലിച്ചാണ്​ കുറ്റകൃത്യം നടത്തിയതെന്ന വിലയിരുത്തലി​​െൻറ അടിസ്ഥാനത്തിലാണ്​ പൊലീസി​​െൻറ പുതിയ നീക്കം.

11 പേരെ പ്രതികളാക്കി ആദ്യം നൽകിയ കുറ്റപത്രത്തിൽ ആക്രമണത്തിൽ നേരിട്ട്​ പ​​െങ്കടുത്ത പൾസർ സുനി എന്ന സുനിൽകുമാർ ഒന്നാം പ്രതിയും ഗൂഢാലോചനക്കുറ്റം ചുമത്തപ്പെട്ട ദിലീപ്​ 11ാം പ്രതിയുമാണ്​. എന്നാൽ, അടുത്ത ആഴ്​ച സമർപ്പിക്കുന്ന പുതിയ കുറ്റപത്രത്തിൽ ദിലീപിനെയും സുനിയെയും യഥാക്രമം ഒന്നും രണ്ടും പ്രതികളാക്കാനാണ്​ തീരുമാനം. ഇതുസംബന്ധിച്ച്​ വ്യാഴാഴ്​ച​െത്ത യോഗം വിശദമായി ചർച്ച ചെയ്യും. സ്​പെഷൽ പ്രോസിക്യൂട്ടറെയും യോഗത്തിലേക്ക്​ ക്ഷണിച്ചിട്ടുണ്ട്​. കൃത്യത്തിൽ നേരിട്ട്​ പ​െങ്കടുക്കുന്നതിന്​ തുല്യമാണ്​ ഗൂഢാലോചനയെന്നും ദിലീപിനെ ഒന്നാം പ്രതിയാക്കാമെന്നുമാണ്​ പൊലീസിന്​ ലഭിച്ച നിയമോപദേശം.

കൃത്യത്തിൽ നേരിട്ട്​ പ​െങ്കടുത്തവർക്ക്​ നടിയോട്​ മുൻവൈരാഗ്യമില്ല. ദിലീപിനാണ്​ മുൻവൈരാഗ്യം​. ദിലീപ്​ നിർദേശിച്ച കാര്യങ്ങൾ അതേപടി നടപ്പാക്കുകയാണ്​ ക്വ​േട്ടഷൻ ഏറ്റെടുത്ത സുനി ചെയ്​തത്​. ക്വ​േട്ടഷൻ നടപ്പാക്കുന്നതി​​െൻറ ആദ്യാവസാനം ദിലീപി​​െൻറ മേൽനോട്ടമുണ്ടായിരുന്നു. ഇൗ സാഹചര്യത്തിൽ ആക്രമിച്ചയാളും അതിന്​ നിർദേശിച്ചയാളും തമ്മിൽ വ്യത്യാസമില്ലെന്നാണ്​ പൊലീസ്​ വിലയിരുത്തൽ.

ശാസ്​ത്രീയവും ശക്​തവുമായ തെളിവുകൾ സഹിതം തയാറാക്കുന്ന കുറ്റപത്രം ഏ​റക്കുറെ പൂർത്തിയായി. കുറ്റപത്രം സമഗ്രവും പഴുതുകളില്ലാത്തതുമാക്കാനാണ്​ ശ്രമം. ഇന്നത്തെ യോഗത്തി​​െൻറ അടിസ്ഥാനത്തിലുള്ള മാറ്റങ്ങൾകൂടി ഉൾ​പ്പെടുത്തി അടുത്തയാഴ്​ച അങ്കമാലി മജിസ്​ട്രേറ്റ്​ കോടതിയിൽ സമർപ്പിക്കും. പുറത്തുവരാത്ത ഒ​േട്ടറെ തെളിവുകളും സിനിമാരംഗത്തുനിന്നുള്ള 20ലധികം പേരുടെ നിർണായക മൊഴികളും ഇതിനൊപ്പമുണ്ടാകും. കോടതിയിൽ നൽകിയ രഹസ്യമൊഴികൾ, സാഹചര്യത്തെളിവുകൾ, കുറ്റസമ്മത മൊഴികൾ, സാക്ഷിമൊഴികൾ, ഫോറൻസിക്​ റിപ്പോർട്ടുകൾ, നേരിട്ടുള്ള ​തെളിവുകൾ എന്നിവയടങ്ങുന്ന പ്രത്യേക പട്ടികയും കുറ്റപത്രത്തിനൊപ്പം നൽകും.

നടിയെ ആക്രമിക്കുന്നതി​​െൻറ ദൃശ്യങ്ങൾ പകർത്തിയ മൊബൈൽ ഫോൺ കണ്ടെത്താൻ അന്വേഷണം തുടരുകയാണെന്ന്​ കോടതിയെ പൊലീസ്​ അറിയിക്കും. ദിലീപ്​ അറസ്​റ്റിലായി 90 ദിവസം തികയുന്ന ഇൗ മാസം എട്ടിന്​ കുറ്റപത്രം സമർപ്പിക്കാൻ ഉദ്ദേശിച്ചിരുന്നെങ്കിലും ജാമ്യത്തിലിറങ്ങിയ സാഹചര്യത്തിൽ വൈകിപ്പിക്കുകയായിരുന്നു.