ക്യാപ്റ്റൻ: സിനിമാ ജീവിതത്തിലെ വെല്ലുവിളി നിറഞ്ഞ കഥാപാത്രം -ജയസൂര്യ

ഇന്ത്യന്‍ ഫുട്‌ബോളിലെ സൂപ്പര്‍ താരം വി.പി സത്യന്‍റെ ജീവിതം പറയുന്ന ചിത്രം 'ക്യാപ്റ്റ​​​ൻ' പുറത്തിറങ്ങാനിരിക്കെ ആ കഥാപാത്രത്തെ കുറിച്ച് മനസ് തുറന്ന് ജയസൂര്യ. ഇതുവരെയുള്ള സിനിമാ ജീവിതത്തിൽ ഏറ്റവുമധികം വെല്ലുവിളി നിറഞ്ഞ  കഥാപാത്രമാണിതെന്ന് ജയസൂര്യ ഫേസ്ബുക്കിലൂടെ അറിയിച്ചു. 

വിജയ പരാജയങ്ങൾ അറിയില്ല പക്ഷേ, ആത്മാർത്ഥമായി ചെയ്യുന്ന ഏത് കാര്യത്തിന്റെയും കൂടെ ദൈവം ഉണ്ടാകും എന്ന് ഞാൻ വിശ്വസിക്കുന്നു.  ഈ വി.പി.സത്യനെ..
നിങ്ങൾക്കും ഇഷ്ടമാകും എന്ന പ്രതീക്ഷിക്കുന്നുവെന്നും അദ്ദേഹം കുറിച്ചു. 

നവാഗതനായ പ്രജേഷ് സെൻ ആണ് ചിത്രം സംവിധാനെ ചെയ്യുന്നത്.  സത്യന്‍റെ ഭാര്യയായ അനിത സത്യനെ അനു സിതാരയാണ് അവതരിപ്പിക്കുന്നത്‌.

ഗുഡ്​വിൽ എന്‍റർടെയ്ൻമെന്‍റിന്‍റെ ബാനറിൽ ടി.എൽ. ജോർജ് ആണ് ചിത്രം നിർമിക്കുന്നത്‌. തലൈവാസൽ വിജയ്, രഞ്ജി പണിക്കർ, സിദ്ധിഖ്, നിർമൽ പാലാഴി, ലക്ഷ്മി ശർമ്മ തുടങ്ങിയവരും ചിത്രത്തിലുണ്ട്. റോബി വർഗീസ് രാജാണ് ഛായാഗ്രഹണം നിർവഹിക്കുന്നത്​. റഫീഖ് അഹമ്മദിന്‍റെ വരികൾക്ക് ഗോപിസുന്ദറാണ് സംഗീതം നൽകിയിരിക്കുന്നത്.