കായൽ കൈയേറ്റം: ജയസൂര്യയുടെ അപ്പീൽ തള്ളി

കൊച്ചി: കായൽ കൈയേറ്റത്തിൽ കൊച്ചിൻ കോർപറേഷൻ  നടപടിക്കെതിരെ തദ്ദേശ ട്രൈബ്യുണലിൽ  നടൻ ജയസൂര്യ നൽകിയ ഹരജി തള്ളി. തിരുവനന്തപുരത്തെ തദ്ദേശ സ്വയംഭരണ സ്ഥാപനങ്ങൾക്കുള്ള ട്രൈബ്യുണലിലാണ്​ ജയസൂര്യ ഹരജി നൽകിയത്​.

കടവന്ത്ര ചിലവന്നൂർ  കായലിലെ മുന്നേ മുക്കാൽ സ​െൻറ് ഭൂമി ജയസൂര്യ അനധികൃതമായി നികത്തുകയും കൈയേറി ചുറ്റുമതിലും ബോട്ട് ജെട്ടിയും നിർമിച്ചത്തിനുമെതിരെ പൊതു പ്രവർത്തകൻ ഗിരീഷ് ബാബുവാണ്​ പരാതി നൽകിയത്​. ഇൗ പരാതിയിലാണ്​ അനധികൃത നിർമാണം പൊളിച്ചു നീക്കാൻ  കൊച്ചിൻ കോർപറേഷൻ ജയസൂര്യക്ക്​ നോട്ടീസ് നൽകിയിരുന്നു​.  

കൊച്ചിൻ കോർപറേഷൻ നടപടിക്കെതിരെ ജയസൂര്യ നൽകിയ ഹർജിയിൽ കോർപറേഷ​​െൻറ തുടർ നടപടികൾ ട്രൈബ്യുണൽ കോടതി സ്റ്റേ ചെയ്തിരുന്നു. തുടർന്ന് ഈ കേസിൽ  ഇരുകക്ഷികളുടെയും വാദം കേട്ട കോടതി ജയസൂര്യയുടെ ഹരജി തള്ളുകയായിരുന്നു.   

ഉത്തരവി​​െൻറ അടിസ്ഥാനത്തിൽ കൊച്ചിൻ കോർപറേഷന്​ നടപടികൾ തുടരാവുന്നതാണ്. ഇതേ കൈയ്യേറ്റ കേസിൽ ജയസൂര്യക്കെതിരെ മുവാറ്റുപുഴ വിജിലൻസ് കോടതിയിൽ എഫ്​.​െഎ.ആർ സമർപ്പിച്ചിരുന്നുവെങ്കിലും ആന്തിമ കുറ്റപത്രം നൽകിയിട്ടില്ല. എന്നാൽ കേസിൽ പ്രതിയായ ജയസൂര്യയുടെ പാസ്പോർട്ട് പുതുക്കാൻ മുവാറ്റുപുഴ വിജിലൻസ് കോടതിയിൽ നൽകിയ അപേക്ഷ മാർച്ച് 12ന് പരിഗണിക്കും.