ആനക്കാട്ടിൽ ചാക്കോച്ചിയായി സുരേഷ്​ ഗോപി​ വീണ്ടും; ലേലം 2 എത്തുന്നു

മലയാളത്തിലെ ഹിറ്റ്​ ചിത്രമായ ലേലത്തി​​​െൻറ രണ്ടാം ഭാഗം വരുന്നു. രഞ്​ജി പണിക്കർ ആണ്​ കഥയും തിരക്കഥയും സംഭാഷണവും സംവിധാനം നിഥിൻ രഞ്​ജി പണിക്കർ. സുരേഷ്​ ഗോപിയാണ്​ സിനിമയിലെ നായക കഥാപാത്രമായ ആനക്കാട്ടിൽ ചാക്കോച്ചിയായി വീണ്ടുമെത്തുന്നത്​.

രഞ്​ജി പണിക്കർ എൻറർടെയിൻമ​​െൻറി​​​െൻറ ബാനറിൽ അദ്ദേഹം തന്നെയാണ്​ ചിത്രത്തി​​​െൻറ നിർമാണം. ചിത്രത്തിലേക്ക്​ താരങ്ങളെ തേടിയുള്ള കാസ്​റ്റിങ്​ കോൾ വിളിച്ചിട്ടുണ്ട്​.

സിനിമയിൽ നിന്ന്​ രാഷ്ടീയത്തിലേക്ക്​ ചുവടുമാറ്റിയ സുരേഷ്​ ​േഗാപി വർഷങ്ങളുടെ ഇടവേളക്ക്​ ശേഷം നായകനായി എത്തുന്ന സിനിമയാണ്​ ലേലം 2. മമ്മുട്ടി ചിത്രമായ കസബക്ക്​ ശേഷം നിഥിൻ രഞ്​ജി പണിക്കർ സംവിധാനം ചെയ്യുന്ന ചിത്രം കൂടിയാണ്​ ലേലം 2.