'ടേക് ഒാഫ്' 24ന്; പുതിയ ട്രെയിലർ

കുഞ്ചാക്കോ ബോബൻ, ഫഹദ് ഫാസിൽ, പാർവതി, ആസിഫ് അലി എന്നിവർ പ്രധാന വേഷങ്ങളിൽ എത്തുന്ന പുതിയ ചിത്രം 'ടേക്ക് ഓഫി'ന്‍റെ പുതിയ ട്രെയിലർ പുറത്തിറങ്ങി. ചിത്രം 24ന് തീയേറ്ററുകളിലെത്തും. മമ്മൂട്ടി, മോഹന്‍ലാൽ, ദുൽക്കർ സൽമാൻ അടക്കമുള്ള താരങ്ങൾ ചിത്രത്തിന്‍റെ ട്രെയിലർ ഫേസ്ബുക്കിലൂടെ ഷെയർ ചെയ്തു.

മലയാളി നഴ്സുമാരുടെ ജീവിതകഥ പറയുന്ന ചിത്രം ഫിലിം എഡിറ്ററായിരുന്ന മഹേഷ് നാരായണൻ തിരക്കഥ എഴുതി സംവിധാനം ചെയ്യുന്നു.

കടുത്ത പ്രതിസന്ധികൾക്കിടയിലും കുടുംബത്തിന് വേണ്ടി ഇറാഖ്, സുഡാൻ അടക്കമുള്ള വിദേശ രാജ്യങ്ങളിൽ പോയി ജോലി ചെയ്യേണ്ടി വരുന്ന മലയാളി നഴ്സുമാരാണ് സിനിമയുടെ പ്രമേയം. രാജേഷ് പിള്ള ഫിലിംസിന്‍റെ സഹകരണത്തോടെ ആന്‍റോ ജോസഫ് ഫിലിം കമ്പനിയുടെ ആന്‍റോ ജോസഫും ഷെബി ബക്കറുമാണ് ചിത്രം നിർമിക്കുന്നത്. മേഘ രാജേഷ് പിള്ളയാണ് എക്‌സിക്യുട്ടീവ് പ്രൊഡ്യുസര്‍.


സംഗീതം: ഷാൻ റഹ്മാൻ, പശ്ചാത്തല സംഗീതം: ഗോപി സുന്ദർ, കാമറ: സാനു ജോൺ വർഗീസ്, സ്റ്റിൽസ് ലെബിസൻ ഗോപി.