ഓണവും വിഷുവുംപോലെ പ്രളയത്തെ പ്രതീക്ഷിക്കേണ്ട അവസ്​ഥ -മമ്മൂട്ടി

കൊച്ചി: ഓണവും വിഷുവുംപോലെ വർഷാവർഷം പ്രളയത്തെ പ്രതീക്ഷി​ക്കേണ്ട അവസ്​ഥയിലേക്കാണ്​ കേരളം നീങ്ങ​ുന്നതെന്ന് ​ നടൻ മമ്മൂട്ടി. അതിജീവിച്ചു എന്ന്​ പ്രതീക്ഷിച്ചിരിക്കു​േമ്പാഴാണ്​ വീണ്ടും മറ്റൊരു മഹാദുരന്തം വന്നത്​. പരിസ ്​ഥിതിയോടുള്ള നമ്മുടെ സമീപനവും കാലാവസ്​ഥയെയും പ്രകൃതിയെയും വിലകുറച്ചു കാണുന്നതുംകൊണ്ടാകാ​ം ദുരന്തങ്ങൾ​ ആവർത്തിക്കുന്നത​്​.

എറണാകുളം പ്രസ്​ക്ലബും കേരള ലളിതകലാ അക്കാദമിയും ഇന്ത്യന്‍ ഓയില്‍ കോർപറേഷനും ചേർന്ന്​ ഫോട്ടോഗ്രഫി ദിനത്തില്‍ സംഘടിപ്പിച്ച പ്രളയചിത്രങ്ങളുടെ പ്രദർശനം ‘വെറ്റ്​ ഫ്രെയിംസ്​’ ഉദ്​ഘാടനം ചെയ്യുകയായിരുന്നു മമ്മൂട്ടി.
പ്രളയങ്ങളിൽനിന്ന്​ മലയാളി പഠിച്ച മാനുഷിക ഗുണങ്ങൾ എന്നും നിലനിർത്തണമെന്ന്​ മുഖ്യാതിഥി ഹൈബി ഈഡൻ എം.പി അഭിപ്രായപ്പെട്ടു. ദുരന്തത്തിൽ നാടി​​​​െൻറ രക്ഷകരായെത്തിയ മത്സ്യത്തൊഴിലാളികളെ ആദരിച്ചു. കൊച്ചിയിലെ മാധ്യമസ്​ഥാപനങ്ങളിലെ ഫോ​ട്ടോഗ്രാഫർമാർ പകർത്തിയ നൂറോളം ചിത്രങ്ങളാണ്​ പ്രദർശനത്തിലുള്ളത്​. ​

പ്രസ്​ക്ലബ്​ പ്രസിഡൻറ്​ ഡി. ദിലീപ്​, സെക്രട്ടറി സുഗതൻ പി. ബാലൻ, വൈസ് പ്രസിഡൻറ്​ അരുണ്‍ ചന്ദ്രബോസ്, ഫോട്ടോ ജേണലിസ്‌റ്റ്​ ഫോറം കണ്‍വീനര്‍ പ്രകാശ് എളമക്കര, ജിപ്‌സൺ സിക്കേര, മുൻ മന്ത്രി കെ. ബാബു, ലളിതകല അക്കാദമി സെക്രട്ടറി പൊന്ന്യം ചന്ദ്രൻ എന്നിവർ സംസാരിച്ചു. മൂന്ന് ദിവസം നീളുന്ന എക്‌സിബിഷന്‍ 21ന്​ സമാപിക്കും.