മോഹൻലാൽ ‘അമ്മ’ പ്രസിഡൻറായേക്കും

കൊച്ചി:  അഭിനേതാക്കളുടെ സംഘടനയായ ‘അമ്മ’യുടെ പ്രസിഡൻറായി മോഹൻലാലിനെ തെരഞ്ഞെടുക്കാൻ ധാരണയായതായി​ സൂചന. ഇടവേള ബാബുവാകും പുതിയ ജനറൽ സെക്രട്ടറി. ഇൗ മാസം 24ന്​ കൊച്ചിയിൽ നടക്കുന്ന ‘അമ്മ’യുടെ വാർഷിക ​ജനറൽ ബോഡിയിലാകും ഭാരവാഹികളെ ഒൗപചാരികമായി തീരുമാനിക്കുക. 
17 വർഷമായി പ്രസിഡൻറ്​ സ്ഥാനത്തുള്ള ഇന്നസ​​​െൻറ്​, എം.പി എന്ന നിലയിലുള്ള മറ്റ്​ ഉത്തരവാദിത്തങ്ങളും ആരോഗ്യപ്രശ്​നങ്ങളും ചൂണ്ടിക്കാട്ടി നേര​േത്തതന്നെ ഒഴിയാൻ താൽപര്യം പ്രകടിപ്പിച്ചിരുന്നു.

ഇതോടൊപ്പം ജനറൽ സെക്രട്ടറി മമ്മൂട്ടിയും സ്ഥാനം ഒഴിഞ്ഞേക്കും. നിലവിൽ മോഹൻലാൽ വൈസ്​ പ്രസിഡൻറും ഇടവേള ബാബു സെക്രട്ടറിയുമാണ്​. പ്രസിഡൻറ്​ സ്ഥാനത്തേക്ക്​ താരങ്ങൾക്കിടയിലെ പൊതു സ്വീകാര്യ​ൻ എന്ന നിലയിലാണ്​ മോഹൻലാലിനെ പരിഗണിക്കുന്നത്​. ഇന്നസ​​​െൻറാണ് മോഹൻലാലിനെ നിർദേശിച്ചത്​​. ഇതിന്​ മമ്മൂട്ടി അടക്കമുള്ളവരുടെ പിന്തുണ ഉള്ളതായും അറിയുന്നു. എന്നാൽ, പ്രസിഡൻറ്​, ജനറൽ സെക്രട്ടറി സ്ഥാനങ്ങളിലേക്ക്​ മത്സരം നടക്കുന്ന സാഹചര്യമുണ്ടായാൽ പിന്മാറുമെന്ന നിലപാടിലാണ്​ മോഹൻലാലും ഇടവേള ബാബുവും. വിദേശത്തുള്ള മോഹൻലാൽ തിരിച്ചെത്തിയശേഷമാകും ഇതുസംബന്ധിച്ച കൂടുതൽ ചർച്ചകൾ. ഒൗദ്യോഗിക പാനലിനെതിരെ ആരും മത്സരിക്കാൻ മുന്നോട്ടുവരില്ലെന്നാണ്​ പൊതു വിലയിരുത്തൽ. 

അതേസമയം, പ്രസിഡൻറ്​ ഉൾപ്പെടെ ഭാരവാഹികളെ സംബന്ധിച്ച്​ ഒരു ധാരണയിലും എത്തിയിട്ടില്ലെന്ന്​​ ‘അമ്മ’ സെക്രട്ടറി ഇടവേള ബാബു ‘മാധ്യമ’ത്തോട്​ പറഞ്ഞു. ചർച്ചകൾ നടക്കുന്നുണ്ട്​. ജനറൽ ബോഡിക്ക്​ രണ്ട്​ ദിവസം മുമ്പ്​ എല്ലാവരും കൂടി ഒരുമിച്ചിരുന്നാൽ തീരുമാനിക്കാവുന്ന കാര്യങ്ങളേയുള്ളൂ എന്നും ബാബു കൂട്ടിച്ചേർത്തു. നടി ആക്രമിക്കപ്പെട്ട സംഭവത്തി​​​​െൻറ തുടർ വിവാദങ്ങൾക്കും ‘അമ്മ’യുടെ ട്രഷറർ കൂടിയായിരുന്ന ദിലീപി​​​​െൻറ അറസ്​റ്റിനും വനിത സിനിമ പ്രവർത്തകരുടെ കൂട്ടായ്​മയായ ‘വുമൻ ഇൻ സിനിമ കലക്​ടീവി’​​​​െൻറ (ഡബ്ല്യു.സി.സി) രൂപവത്​കരണത്തിനുംശേഷം ആദ്യമായാണ്​ ജനറൽ ബോഡി നടക്കുന്നത്​. ഇൗ വിഷയങ്ങളിൽ അംഗങ്ങളുടെ നിലപാടുകളും ഭാരവാഹി തെരഞ്ഞെടുപ്പിൽ നിർണായകമായേക്കും. നടി ആക്രമിക്കപ്പെട്ട സംഭവത്തിൽ സംഘടനക്കെതിരെ പരസ്യമായി പ്രതികരിച്ച പൃഥ്വിരാജ്​, രമ്യ നമ്പീശൻ എന്നിവർക്കെതിരെ അച്ചടക്ക നടപടിക്കും സാധ്യതയുണ്ട്​.