ചലച്ചിത്ര പുരസ്​കാര വിതരണം: ചടങ്ങിൽ മോഹൻലാൽ പ​െങ്കടുക്കും

തിരുവനന്തപുരം: സംസ്ഥാന ചലച്ചിത്ര പുരസ്​കാര വിതരണ ചടങ്ങിൽ മോഹൻലാൽ പ​​െങ്കടുക്കും. സാംസ്​കാരിക വകുപ്പ്​ നൽകിയ ക്ഷണം മോഹൻലാൽ സ്വീകരിച്ചു. ബുധനാഴ്​ചയാണ്​ ക്ഷണിച്ച്​ കൊണ്ടുള്ള കത്ത്​ സാംസ്​കാരിക വകുപ്പ്​ മോഹൻലാലിന്​ കൈമാറിയത്​. ​

മോഹൻലാലിനെ പുരസ്​കാര വിതരണ ചടങ്ങിൽ​  മുഖ്യാതിഥിയാക്കുന്നത്​ വിവാദങ്ങൾക്ക്​ കാരണമായിരുന്നു. മുഖ്യമന്ത്രി അവാർഡ്​ വിതരണം ചെയ്​താൽ മതിയെന്നും ചലച്ചിത്ര താരം മുഖ്യാതിഥിയായി വേണ്ടെന്നുമായിരുന്നു ഒരു വിഭാഗത്തി​​​​​െൻറ നിലപാട്​. ഇതുമായി ബന്ധപ്പെട്ട്​ 107 പേർ ഒപ്പിട്ട നിവേദനം സാംസ്​കാരിക വകുപ്പ്​ മന്ത്രി എ.കെ ബാലന്​ കൈമാറുകയും ചെയ്​തിരുന്നു. 

ഇതിനിടെ മോഹൻലാലിനെ പിന്തുണച്ച്​ സിനിമ മേഖലയിലെ അമ്മയുൾപ്പടെയുള്ള സംഘടനകൾ രംഗത്തെത്തുകയും ചെയ്​തിരുന്നു. എന്നാൽ, ചൊവ്വാഴ്​ച രാത്രിയോടെ ചടങ്ങിലേക്ക്​ മോഹൻലാലിനെ ക്ഷണിക്കുമെന്ന്​ സാംസ്​കാരിക വകുപ്പ്​ ഒൗദ്യോഗികമായി അറിയിക്കുകയായിരുന്നു.