പ്രൊഡക്ഷൻ കൺട്രോളർ വളരെ മോശമായി പെരുമാറി; യുവനടിയുടെ ​​െവളി​പ്പെടുത്തൽ

കൊച്ചി: മമ്മൂട്ടി നായകനായ പുള്ളിക്കാരൻ സ്റ്റാറാ എന്ന ചിത്രത്തി​​​​​​െൻറ പ്രൊഡക്ഷൻ കൺട്രോളർ മോശമായി പെരുമാറിയെന്ന​ വെളിപ്പെടുത്തലുമായി യുവ നടി. ഡബ്ല്യൂ.സി.സിയുടെ വാർത്താ സമ്മേളനത്തിനിടെയാണ്​ അർച്ചന പദ്​മിനിയെന്ന നടി ത​​​​​​െൻറ മോശം അനുഭവം പങ്കുവെച്ചത്​.

സിനിമയുടെ ചിത്രീകരണത്തിനിടെ ​െപ്രാഡക്ഷൻ കൺട്രോളറായ ഷെറിൻ സ്റ്റാൻലി എന്നയാൾ തന്നോട്​ വളരെ മോശമായി പെരുമാറി. ഇതുമായി ബന്ധപ്പെട്ട്​ ഫെഫ്​കക്ക്​ രണ്ട് തവണ പരാതി അയച്ചിരുന്നു. എന്നാൽ യാതൊരു നടപടിയും സ്വീകരിച്ചില്ല. ബി. ഉണ്ണികൃഷ്​ണനാണ്​ പരാതി നൽകിയത്​. ഷെറിൻ സ്റ്റാൻലി ഇപ്പോഴും സിനിമാ മേഖലയിൽ ജോലി ചെയ്യുന്നു. എന്നാൽ തനിക്ക്​ സിനിമകളില്ലെന്നും അർച്ചന പ്രതികരിച്ചു.

സോഹൻ സീനുലാൽ എന്ന നട​​​​​​െൻറ നേതൃത്വത്തിലാണ്​ ഫെഫ്​കയുമായി സമാധാന ചർച്ച നടത്തിയതെന്നും ബി. ഉണ്ണികൃഷ്​ണൻ, സിബി മലയിൽ എന്നിവരും ഉണ്ടായിരുന്നതായും അവർ പറഞ്ഞു. ബി. ഉണ്ണികൃഷ്​ണൻ ദിലീപുമൊത്ത്​ ‘നീതി’ എന്ന ചിത്രം സംവിധാനം ചെയ്യാനിരിക്കുന്നതിനെ കുറിച്ചും അവർ പരാമർശിച്ചു.

ഏറ്റവും മുൻനിരയിൽ നിന്നിരുന്ന ഒരു നടി ഏറ്റവും മോശം അവസ്ഥയിലൂടെ കടന്നുപോയപ്പോൾ ഇൗ പറയുന്ന സിനിമാ സംഘടനകൾ നിശബ്​ദമായിരുന്നുവെങ്കിൽ ചെറിയ റോളുകൾ ചെയ്യുന്ന ത​​​​​​െൻറ അവസ്ഥ മറിച്ചാകില്ലല്ലോ എന്നും അവർ കൂട്ടിച്ചേർത്തു. പൊലീസിനെ അറിയിച്ചോ? എന്ന ചോദ്യത്തിന്​ വീണ്ടുമൊരു വെർബൽ റേപ്പിന്​ പാത്രമാകാൻ താൽപര്യമില്ലെന്നും അർച്ചന പറഞ്ഞു.

നടപടി സ്വീകരിച്ചെന്ന് ബി. ഉണ്ണികൃഷ്ണന്‍

കൊ​ച്ചി: നടിയു​ടെ പരാതിയിൽ ന​ട​പ​ടി സ്വീ​ക​രി​ച്ചി​രു​ന്നു​വെ​ന്നും ആ​രോ​പ​ണ വി​ധേ​യ​നാ​യ വ്യ​ക്തി​യെ​യും അ​ര്‍ച്ച​ന​യെ​യും ഓ​ഫി​സി​ല്‍ വി​ളി​ച്ച്​ സം​സാ​രി​ച്ചി​രു​ന്ന​താ​യും ഫെ​ഫ്ക ജ​ന​റ​ല്‍ സെ​ക്ര​ട്ട​റി ബി. ​ഉ​ണ്ണി​കൃ​ഷ്ണ​ന്‍ മാ​ധ്യ​മ പ്ര​വ​ര്‍ത്ത​ക​രോ​ട് പ​റ​ഞ്ഞു.

ക്രി​മി​ന​ല്‍ കു​റ്റ​മാ​യ​തി​നാ​ല്‍ ഇ​ത് സം​ഘ​ട​ന കൈ​കാ​ര്യം ചെ​യ്യേ​ണ്ട വി​ഷ​യ​മ​ല്ലെ​ന്നും പൊ​ലീ​സി​ല്‍ പ​രാ​തി ന​ല്‍ക​ണ​മെ​ന്നും ആ​വ​ശ്യ​പ്പെ​ട്ടിരുന്നു. സം​ഘ​ട​നാ ത​ല​ത്തി​ല്‍ ന​ട​പ​ടി​യെ​ടു​ത്താ​ല്‍ മ​തി​യെ​ന്നാ​ണ് അ​വ​ര്‍ പ​റ​ഞ്ഞ​തെ​ന്നും തു​ട​ർ​ന്ന്​ ആ​രോ​പ​ണ വി​ധേ​യ​നാ​യ വ്യ​ക്തി​യെ പു​റ​ത്താ​ക്കി​യി​രു​ന്ന​താ​യും ഉ​ണ്ണി​കൃ​ഷ്ണ​ന്‍ പ​റ​ഞ്ഞു.