ദുരിതാശ്വാസ നിധിയിലേക്ക്​ നിവിൻ പോളി 25 ലക്ഷം രൂപ നൽകി VIDEO

തിരുവനന്തപുരം: മുഖ്യമന്ത്രിയുടെ ദുരിതാശ്വാസ നിധിയിലേക്ക്​ നടൻ നിവിൻ പോളി 25 ലക്ഷം രൂപ നൽകി. മുഖ്യമന്ത്രിയുടെ ഒാഫീസിലെത്തിയാണ്​ നിവൻ പോളി തുക കൈമാറിയത്​. ദുരന്ത സമയത്ത്​ എല്ലാവരും ദുരിതബാധിതരെ സഹായിക്കാൻ മുന്നിട്ട്​ വന്നിരുന്നു. സംസ്ഥാനത്തി​​​െൻറ പുനർനിർമാണത്തിലും ഇൗ ഒത്തൊരുമ ആവശ്യമാണെന്നും നിവിൻ പോളി പറഞ്ഞു.

ദുരിതാശ്വാസ നിധിയിലേക്ക്​ യുവതാരങ്ങൾ സംഭാവന ചെയ്യുന്നില്ലെന്ന ആരോപണത്തിനും നിവിൻ പോളി മറുപടി പറഞ്ഞു. എല്ലാ താരങ്ങളും കഴിയുന്നതുപോലെ സഹായിക്കുന്നുണ്ട്​. അതൊക്കെ പുറത്ത്​ പറയണമെന്നില്ലല്ലോ എന്നായിരുന്നു ആരോപണത്തിനുള്ള മറുപടി.

ദുരന്തത്തി​​​െൻറ ആദ്യഘട്ടം മുതൽ ഉറക്കമിളച്ച്​ സഹായത്തിനിറങ്ങിയ ഒരുപാട്​ സിനിമാ പ്രവർത്തകരുണ്ട്​. പലരും അതൊന്നും പറയുന്നില്ലെന്നേ ഉള്ളു. ദുരിതാശ്വാസ നിധിയിലേക്ക്​ കഴിയുന്നവരെല്ലാം സംഭാവന നൽകണമെന്നും നിവിൻ പോളി ആവശ്യപ്പെട്ടു.