‘പാണിഗ്രഹണ’ത്തിൽ മീരാ വാസുദേവും സന്തോഷ് കീഴാറ്റൂരും

പരസ്യ-ഹൃസ്വ ചിത്ര സംവിധായകൻ മുഹമ്മദ്ഷായുടെ ‘പാണിഗ്രഹണം’ ചിത്രീകരണം പൂർത്തിയായി. ‘തന്മാത്ര’ എന്ന മോഹൻലാൽ ചിത ്രത്തിലൂടെ മലയാളികളുടെ പ്രിയങ്കരിയായ മീരാ വാസുദേവ് നായികയാകുന്ന ചിത്രത്തിൽ സന്തോഷ് കീഴാറ്റൂരാണ്​ നായകൻ.

< p>വെഡ്‌ഡിങ് സ്റ്റുഡിയോയായ സൂം ആർട്ടി​​െൻറ ബാനറിൽ ടി.എം. സുനിലും ഹക്കിം സൽ സബീലും ചേർന്ന് നിർമിക്കുന്ന ചിത്രം തി രുവനന്തപുരത്തും പരിസര പ്രദേശങ്ങളിലുമായാണ്​ ചിത്രീകരിച്ചത്​.

ചലച്ചിത്ര ടെലിവിഷൻ രംഗത്തെ കലാകാരന്മാരുടെയ ും സാങ്കേതിക വിദഗ്‌ധരുടെയും സംഘടനയായ ‘കോൺടാക്ട്’ സംരംഭമായ ‘ലെസ്സൺസ്’ എന്ന ആന്തോളജി ചലച്ചിത്രത്തിലെ അഞ്ച് ചിത്രങ്ങളിലൊന്നാണ് ‘പാണിഗ്രഹണം’. 2016ലെ ‘കോൺടാക്ട്’ തിരക്കഥാ മത്സരത്തിൽ അവാർഡ്​​ നേടിയ ശ്രീല ഇറമ്പിലി​​െൻറ ‘ഭ്രഷ്​ട’ എന്ന തിരക്കഥയെ അവലംബിച്ചാണ് ഈ ചിത്രം നിർമ്മിച്ചിരിക്കുന്നത്.

അനിതര സാധാരണമായ ഒരു പ്രണയകഥയാണ് ഈ ചിത്രത്തിലൂടെ ചുരുളഴിയുന്നത്. ചരിത്രത്തിലും സാഹിത്യത്തിലും പ്രതിപാദിച്ചിട്ടുള്ളതും അന്നും ഇന്നും ഒരുപോലെ നമ്മുടെ സമൂഹത്തിലെ പുരുഷന്മാർക്കിടയിൽ മാറാതെ നിൽക്കുന്നതുമായ മനോഭാവങ്ങൾ ഈ ചിത്രത്തിൽ ചർച്ച ചെയ്യപ്പെടുന്നു.

കലാഭവൻ റഹ്മാൻ ഏറെ വ്യത്യസ്തമായ വേഷം ഇൗ ചിത്രത്തിൽ കൈകാര്യം ചെയ്​തിട്ടുണ്ട്​. അഹമ്മദ്​ മുസ്​ലിം, ടി.ടി. ഉഷ, മായ സുകു, ബേബി ഗൗരി കൃഷ്​ണ, ഷംനാദ് അലിഖാൻ, അനിൽ നെയ്യാറ്റിൻകര, ഷഹീൻ സുൽത്താൻ, സുധീർ സാരസ്യ, വിജയൻ കുഴിത്തുറ, മണികണ്ഠൻ നായർ, ശാസ്തമംഗലം മോഹൻ, രാജ്‌കുമാർ, അഖിലേഷ് എസ്. നായർ, മുരുകേശ് തുടങ്ങിയവരാണ്​ മറ്റ്​ അഭിനേതാക്കൾ.

ഛായാഗ്രഹണം: അയ്യപ്പൻ എൻ., ചമയം: പട്ടണം റഷീദ്​, പശ്ചാത്തല സംഗീതം: ഉദയൻ അഞ്ചൽ, കലാ സംവിധാനം: സൂര്യ ശ്രീകുമാർ, അസോസിയേറ്റ്​ ഡയറക്​ടർ: വിനീത്​ അനിൽ, പി.ആർ.ഒ: എം.എസ്​. ദിനേശ്​, റഹിം പനവൂർ. ചിത്രം ഒാണത്തിന്​ തിയേറ്ററുകളിലെത്തും.