മമ്മുട്ടിയെ വിമർശിച്ചിട്ടില്ലെന്ന്​ പാർവതി

കസബ വിവാദം സിനിമ മേഖലയിൽ സജീവ ചർച്ചയാവു​േമ്പാൾ നയം വ്യക്​തമാക്കി രംഗത്തെത്തിയിരിക്കുകയാണ്​ നടി പാർവതി. മമ്മൂട്ടിയെ അധിക്ഷേപിച്ച് സംസാരിച്ചിട്ടില്ലെന്നും ത​​െൻറ വാക്കുകളെ തെറ്റായി വ്യാഖ്യാനിച്ചതാണെന്നും ദി സ്ക്രോളിലെ ലേഖനത്തിലുടെ പാർവതി വ്യക്​തമാക്കുന്നു.

സത്യത്തിൽ, ഞാൻ അദ്ദേഹത്തെ നല്ലൊരു നടന്‍ എന്നാണ് വിളിച്ചത്. അദ്ദേഹത്തെ ഞാന്‍ ബഹുമാനിക്കുന്നു. മമ്മുട്ടിയെ വ്യക്തിപരമായി വിമര്‍ശിച്ചിട്ടില്ല.  പക്ഷേ,   സംഭാഷണം പുറത്തുവന്നപ്പോൾ പാർവതി മമ്മൂട്ടിയെ വിമര്‍ശിച്ചു എന്ന രീതിയിലാണ് ചില മാധ്യമങ്ങള്‍ വാർത്ത നൽകിയത്​. എന്നാൽ, സിനിമയിൽ ഇന്ന്​ നിലനിൽക്കുന്ന സ്ത്രീ വിരുദ്ധതയെ ആണ്  വിമർശിച്ചതെന്നും പാർവതി പറയുന്നു. 

രണ്ടോ മൂന്നോ പ്രസിദ്ധീകരണങ്ങള്‍ മാത്രമാണ് വ്യക്​തമായി ഇതുസംബന്ധിച്ച വാർത്ത നൽകിയത്​. എന്നെ ആക്രമിക്കുന്ന ആളുകൾ മുഴുവൻ റിപ്പോർട്ടും വായിച്ചിരുന്നില്ല. അവർ തലക്കെട്ട് കണ്ടു എന്നെ ആക്രമിക്കാൻ തുടങ്ങി. സിനിമാ രംഗത്തുള്ളവര്‍ പോലും തന്നെ വിമര്‍ശിച്ചു. ആ വീഡിയോ പൂർണമായും കണ്ടിരുന്നെങ്കിൽ ഇത്തരത്തില്‍ ഒരു വിമര്‍ശം തനിക്ക്​ നേരിടേണ്ടി വരുമായിരുന്നില്ലെന്നും പാർവതി ലേഖനത്തിൽ ചൂണ്ടിക്കാട്ടുന്നു.

സര്‍ഗാത്മക സ്വാതന്ത്ര്യത്തിന് കടിഞ്ഞാണിടുകയാണെന്നാണ്​ എനിക്കെതിരെയുള്ള വിമര്‍ശങ്ങളിലൊന്ന്. ആളുകള്‍ പറയുന്നത്​ സിനിമ വെറും സിനിമ മാത്രമാണെന്നാണ്. ആയിരക്കണക്കിന് ആളുകള്‍ രണ്ടര മണിക്കൂര്‍ ഒരു ഇരുട്ടുമുറിയിലിരുന്നു ചിരിക്കുകയും കരയുകയും കയ്യടിക്കുകയും അതിനോട് താദാത്മ്യം പ്രാപിക്കുകയും ചെയ്യുമ്പോള്‍ അത് അവരുടെ പൊതുബോധത്തെ സ്വാധീനിക്കുന്ന രാഷ്ട്രീയപ്രവര്‍ത്തനമാകുന്നു. 

ഒരു യാഥാർത്ഥ്യം കാണിക്കാൻ സിനിമക്ക്​ കഴിയും, എന്നാൽ അങ്ങനെ ചെയ്യാൻ അതിനെ മഹത്വപ്പെടുത്തേണ്ട ആവശ്യമില്ല. ആ ഉത്തരവാദിത്വം അതി​​െൻറ എഴുത്തുകാരനും സംവിധായകനുമാണ്. എല്ലാറ്റിനുമുപരിയായി,ഒരു താരത്തിന് സ്ക്രീനില്‍ എന്തെങ്കിലും പറയാന്‍ കഴിയുമോ എന്ന കാര്യത്തില്‍ എപ്പോഴും പ്രാധാന്യമുണ്ട്. ഈ അവബോധത്തില്‍ നിന്നുമാണ് ഞാന്‍ സംസാരിച്ചത്.  ത​​െൻറ എല്ലാ ചിത്രങ്ങളിലും ഈ ചർച്ചകൾക്ക് വഴിയൊരുക്കിയിട്ടുണ്ട്. ഒരു എഴുത്തുകാരനോ സംവിധായകനോ ഇതിന് പ്രശ്നമുണ്ടാക്കിയിട്ടില്ലെന്നും പാർവതി പറയുന്നു.