പ്രജേഷ് സെന്നി​െൻറ പുതിയ ചിത്രത്തിൽ ജയസൂര്യ നായകൻ

ജി. പ്രജേഷ് സെന്നി​​െൻറ പുതിയ ചിത്രത്തിൽ ജയസൂര്യ നായകനാവുന്നു. 'വെള്ളം' എന്നു പേരിട്ട ചിത്രത്തിന്റെ ഫസ്​റ്റ്​ ലുക്ക്​ പോസ്​റ്റർ ജയസൂര്യ ഫെയ്സ് ബുക്കിൽ പങ്കുവെച്ചു. പ്രജേഷ് സെന്നി​​െൻറ ആദ്യ ചിത്രമായ 'ക്യാപ്റ്റൻ' റിലീസാ യി ഒരു വർഷം തികയുന്ന വേളയിലാണ്​ ചിത്രം പ്രഖ്യാപിച്ചത്​. ഫ്രണ്ടലി പ്രൊഡക്ഷൻസാണ്​ ചിത്രം നിർമിക്കുന്നത്​.

തമിഴ് നടൻ ആർ. മാധവൻ ശാസ്ത്രജ്ഞൻ നമ്പി നാരായണനായി അഭിനയിക്കുന്ന റോക്കറ്ററി ദ നമ്പി എഫക്​ട്​ എന്ന ചലച്ചിത്രത്തിന്റെ പ്രവർത്തനങ്ങളിൽ മുംബൈയിലാണ് പ്രജേഷ് സെൻ. ഇംഗ്ലീഷ്, ഹിന്ദി, തമിഴ് ഭാഷകളിൽ ചിത്രം പുറത്തിറങ്ങും.നമ്പി നാരായണന്റെ ശാസ്ത്ര രംഗത്തെ സംഭാവനകളും ജീവിതവും പറയുന്ന ഡോകുമെന്ററി നവംബർ 22 ന് പുറത്തിറങ്ങിയിരുന്നു.