ഇരട്ടി ഭയവുമായി പ്രേതം 2 തുടങ്ങി

ജയസൂര്യയും രജ്ഞിത്ത് ശങ്കറും വീണ്ടും ഒന്നിക്കുന്ന ചിത്രം പ്രേതം 2 ന്‍റെ ചിത്രീകരണം തുടങ്ങി. ഇരട്ടി ഭയവും ഇരട്ടി തമാശയുമായാണ് ചിത്രമൊരുങ്ങുന്നതെന്ന തരത്തിലുള്ള പോസ്റ്റർ ജയസൂര്യ ഫേസ്ബുക്കിലൂടെ പങ്കുവെച്ചു. ദുർഗ കൃഷ്ണ, സാനിയ ഇയ്യപ്പൻ എന്നിവരാണ് ചിത്രത്തിലെ നായികമാർ.

ഡോൺ ബോസ്​കോ എന്ന മനശാസ്​ത്രജ്ഞനായി ജയസൂര്യ തിളങ്ങിയ ചിത്രം ബോക്​സോഫീസിൽ വിജയമായിരുന്നു. ഗോവിന്ദ് പത്മസൂര്യ, അജു വര്‍ഗീസ്, പേളി മാണി, സുനില്‍ സുഖദ, ഷറഫുദ്ദീന്‍, ഹരീഷ് പേരടി, ശ്രുതി രാമചന്ദ്രന്‍, ധര്‍മജന്‍ തുടങ്ങി വലിയ താരനിര തന്നെ ഒന്നാം ഭാഗത്തിൽ അണിനിരന്നിരുന്നു.