നസ്രിയയുടെ തിരിച്ചുവരവ് ആഘോഷിക്കാൻ തന്നെ ട്രോളുന്നതെന്തിന് -പ്രിയാ വാര്യർ
text_fieldsഅഡാറ് ലവ് എന്ന ചിത്രത്തിലെ ഒരു ഗാനത്തിലൂടെ പ്രശസ്തിയുടെ കൊടുമുടി കയറിയ പ്രിയാ വാര്യർ താൻ നേരിടുന്ന ട്രോളുകളെ കുറിച്ച് ഒരു മാഗസിനോട് പ്രതികരിച്ചു. ഷാൻ റഹ്മാൻ സംഗീതം നൽകി വിനീത് ശ്രീനിവാസൻ ആലപിച്ച ‘മാണിക്യ മലരായ പൂവി’ എന്ന ഗാനം പ്രിയയുടെ കണ്ണിറുക്കൽ രംഗം കൊണ്ട് ലോകമെമ്പാടും ചർച്ചയായിരുന്നു. എന്നാൽ അധികം വൈകാതെ മലയാളികൾ പ്രിയയെ ട്രോളുകൾ കൊണ്ട് മൂടാനും തുടങ്ങി. അവയിൽ ചില ട്രോളുകൾ തന്നെ വല്ലാതെ വേദനിപ്പിച്ചതായി പ്രിയ വാര്യർ പ്രതികരിച്ചു.
![priya varrier](https://www.madhyamam.com/sites/default/files/priya varrier.jpg)
‘എന്നെ ഹിറ്റാക്കിയ ഒരു കൂട്ടം ആളുകൾ തന്നെയാണ് ഇപ്പോൾ വലിച്ചു കീറുന്നതും. അഭിനേത്രി എന്ന നിലയിൽ കഴിവ് തെളിയിക്കാൻ പോലും അവസരം നൽകിയില്ല. കൂടെ എന്ന ചിത്രത്തിലൂടെ സിനിമയിലേക്ക് തിരിച്ചുവന്ന നസ്രിയയെയും തന്നെയും ചേർത്തുള്ള ട്രോളുകൾ ഒരുപാട് വേദനിപ്പിച്ചതായും പ്രിയ പറഞ്ഞു. ‘‘നസ്രിയയെ ഒക്കെ കാണുേമ്പാഴാണ് പ്രിയാ വാര്യരെയൊക്കെ എടുത്ത് കിണറ്റിലിടാൻ തോന്നുന്നത്. ആരൊക്കെ പുരികം പൊന്തിച്ചാലും ഇൗ കണ്ണുകളുടെ ഭംഗിയില്ല’’ -എന്നൊക്കെ പറഞ്ഞ് കളിയാക്കുന്നതായും പ്രിയ കൂട്ടിച്ചേർത്തു.
‘വേറൊരു നടിയെ സന്തോഷിപ്പിക്കാൻ എന്നെ ട്രോളുന്നതെന്തിനാണ്. എെൻറ സിനിമയിറങ്ങി എനിക്ക് അഭിനയിക്കാൻ അറിയുമോ എന്ന് വിലയിരുത്തേണ്ടവരാണ് കുറ്റപ്പെടുത്തുന്നത്. സിനിമ ഇറങ്ങാനുള്ള സാവകാശമെങ്കിലും നൽകണമെന്നും’ പ്രിയ പ്രതികരിച്ചു.
![priya](https://www.madhyamam.com/sites/default/files/priya_1.jpg)
പ്രിയാവാര്യർ അഭിനയിച്ച മഞ്ചിെൻറ പരസ്യം കമ്പനിക്ക് വൻ നഷ്ടമുണ്ടാക്കിയെന്ന പ്രചാരണത്തെ കുറിച്ചും പ്രിയക്ക് പറയാനുണ്ടായിരുന്നു. ‘െഎ.പി.എൽ സമയത്ത് പുറത്തുവന്ന പരസ്യം കളി കഴിഞ്ഞതോടെ സ്വാഭാവികമായി കുറച്ചു. എന്നാൽ അതിനെ കുറിച്ചുള്ള പ്രചാരണം മറ്റൊരു തരത്തിലായിരുന്നു. ചാനലുകൾ പ്രിയാ വാര്യരുടെ പരസ്യം കമ്പനിക്ക് കോടികളുടെ നഷ്ടമുണ്ടാക്കി എന്ന തരത്തിൽ വാർത്തകളും പുറത്തുവിട്ടു. ഇതുമായി ബന്ധപ്പെട്ട് മഞ്ച് കമ്പനിക്കാരോട് സംസാരിച്ചപ്പോൾ അവർക്ക് ഏറ്റവും കൂടുതൽ വരുമാനമുണ്ടാക്കി നൽകിയ പരസ്യമാണ് തേൻറതെന്നായിരുന്നു പ്രതികരിച്ചത്’. ഒരാള് പെട്ടെന്ന് നന്നാകുന്നത് ഇഷ്ടമില്ലാത്ത കുറച്ചു ആളുകളാണ് ഇത്തരം ട്രോളുകൾക്കും പ്രചാരണങ്ങൾക്കും പിന്നിലെന്നാണ് തനിക്ക് തോന്നുന്നത്"- പ്രിയ കൂട്ടിച്ചേർത്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.