‘യവനിക’യിൽ നിന്ന്​ വെട്ടിമാറ്റി; കെ.ജി ജോർജ്ജ്​​ എസ്​.എൽ. പുരത്തെ ചതിച്ചെന്ന് മകൻ

ചലച്ചിത്ര സംവിധായകനും തിരക്കഥാകൃത്തുമായ കെ.ജി ജോർജ്ജ്​ തൻെറ പിതാവിനെ ചതിച്ചെന്ന ആരോപണവുമായി അന്തരിച്ച തിരക്കഥാകൃത്ത്​ എസ്​.എൽ. പുരം സദാനന്ദൻെറ മകൻ ജയസോമ​.1982ൽ മികച്ച തിരക്കഥക്കുള്ള​ സംസ്ഥാന പുരസ്​കാരം നേടിയ ‘യവനിക’ എന്ന ചലച്ചിത്രത്തിൻറ തിരക്കഥാകൃത്തുക്കളിലൊരാളായ എസ്​.എൽ. പുരം സദാനന്ദൻെറ പേര്​ ഒഴിവാക്കി സഹതിരക്കഥാകൃത്തായിരുന്ന കെ.ജി. ജോർജ്ജ് എൻെറ യവനിക എന്ന​ പേരിൽ സ്വന്തം തിരക്കഥയാക്കി മാതൃഭൂമി ബുക്​സ്​ പ്രസിദ്ധീകരിച്ചുവെന്ന്​​ ജയസോമ ആരോപിച്ചു.

ചലച്ചിത്രത്തിൻെറ പ്രിൻറുകളിൽ നിന്ന്പോലും തിരക്കഥയുടെ സ്ഥാനത്ത്​ നിന്ന്​​ എസ്​.എൽ. പുരത്തിൻെറ പേര്​ വെട്ടിമാറ്റിയെന്നും സംഭാഷണം എഴുതിയതായി മാത്രമാണ്​ നൽകിയ​െതന്നും അദ്ദേഹം ആരോപിക്കുന്നു. ഫിലിം പ്രിൻറുകളിൽ നിന്ന് പേര് വെട്ടിമാറ്റി പ്രസിദ്ധമായ തിരക്കഥയുടെ ക്രെഡിറ്റ്‌ സ്വന്തം പേരിൽ ആക്കിയതാണെങ്കിൽ കെ.ജി. ജോർജ്ജ്​ മഹാൻ മാത്രമല്ല പെരുംകള്ളനും കൊടും കുറ്റവാളിയും കൂടിയാണെന്നും ജയസോമ അഭിപ്രായപ്പെട്ടു. ഫേസ്​ബുക്കിലൂടെയാണ്​ കെ.ജി ജോർജ്ജിനെതിരെ ജയസോമ കടുത്ത ഭാഷയിൽ വിമർശനമുന്നയിച്ചത്​​.

സംഭവത്തിൻെറ സത്യാവസ്ഥ അറിയാൻ മാതൃഭൂമിയെ ബന്ധപ്പെട്ടപ്പോൾ കെ.ജി ജോർജിനെ പോലെ മഹാനായ ഒരാൾ പറഞ്ഞപ്പോൾ ഞങ്ങൾ സംശയിച്ചില്ല എന്നാണ്​ മറുപടി നൽകിയത്​. കെജി ജോർജ്ജിനെ ബന്ധപ്പെട്ടപ്പോൾ അങ്ങനെ ഒരു അബദ്ധം പിണഞ്ഞത്​ ശ്രദ്ധിച്ചില്ലെന്ന മറുപടിയാണ്​ ലഭിച്ചതെന്നും ജയസോമ പറയുന്നു.

1982 ൽ എസ്​.എൽ. പുരവും കെ.ജി. ജോർജ്ജും തിരക്കഥക്കുള്ള പുരസ്​കാരം പങ്കിട്ടതാണ്​. അതിൻെറ സർട്ടിഫിക്കറ്റും മൊമ​േൻറായും വീട്ടിലുണ്ട്​. തിരക്കഥ വിഭാഗത്തിൽ പേരില്ലാതെ, മത്സരിക്കാതെ എസ്.എൽ പുരം എങ്ങനെ മികച്ച തിരക്കഥക്കുള്ള വിജയിയായെന്ന സംശയം തീർക്കാൻ അന്നത്തെ ജൂറി അംഗവും നല്ല നിരൂപകനുമായ വിജയകൃഷ്ണനെ ബന്ധപ്പെട്ടു. അന്ന് അവിടെ പ്രദർശിപ്പിച്ച പ്രിൻറിൽ പേരുള്ളതുകൊണ്ടും പി.ആർ.ഡി ലിസ്​റ്റിൽ പേരുള്ളതു കൊണ്ടുമാണ് എസ്.എൽ പുരത്തിന് അവാർഡ് കിട്ടിയതെന്ന് ഉറപ്പിച്ചു പറഞ്ഞ വിജയകൃഷ്​ണൻ അതിൻെറ കത്ത്​ അയച്ചു തന്നതായും കത്തിൻെറ പകർപ്പ്​ കൈയിലുണ്ടെന്നും ​ജയസോമ പറയു​ന്നു.

പുതിയ തലമുറയ്ക്ക് എസ് എൽ പുരത്തെ പരിചയം ഉണ്ടാവരുതെന്ന ലക്ഷ്യത്തോടെ സിനിമ ലോകത്ത് എന്നും ചർച്ചയായ, ചലച്ചിത്ര വിദ്യാർഥികളുടെ പഠന വിഷയമായ ‘യവനിക’ സിനിമയുടെ തിരക്കഥ രചയിതാവിൻെറ സ്ഥാനത്തു നിന്ന് എസ്.എൽ പുരത്തെ ഒഴിവാക്കാനുള്ള മനപ്പൂർവമായ ശ്രമമാണ്​ നടന്നത്​. മരിച്ചു പോയവനെ സപ്പോർട്ട് ചെയ്യാൻ ആരും കാണില്ലെന്നും ജീവിച്ചിരിക്കുന്നവൻെറ കൂടെയേ ആള് കാണൂ എന്നും ജയസോമ കുറിച്ചു.

ചെമ്മീൻ സിനിമയുടെ തിരക്കഥയും സംഭാഷണവും ഒരുക്കിയതും തിരക്കഥയ്ക്കുള്ള ആദ്യ ദേശീയ പുരസ്​കാരം നേടിയ മലയാളിയും എസ്​.എൽ. പുരമാ​െണന്ന്​ എത്ര പേർക്കറിയാമെന്ന്​ ജയസോമ ചോദിക്കുന്നു. ഒത്തിരി പുരസ്​കാരങ്ങളും അംഗീകാരങ്ങളും കിട്ടിയിട്ടും മരിച്ചപ്പോൾ സംസ്ഥാന സർക്കാരിൻെറ ബഹുമതി കിട്ടാതെ പോയ ആളാണ് എസ്.എൽ. പുരമെന്നും അദ്ദേഹം പറയുന്നു. നാടകവുമായി ബന്ധപ്പെട്ട യവനിക എന്ന ചിത്രത്തിൻെറ തിരക്കഥ എഴുതാൻ കെ.ജി ജോർജ്ജ്​ ജന്മം പലത് ജനിക്കണമെന്നും കൂടെ നിന്നവനെ ചതിച്ച്​ അടിച്ചു മാറ്റുന്നവനെ മഹാൻ എന്നല്ല ചതിയൻ എന്നാണ് വിളിക്കേണ്ടതെന്നും പറഞ്ഞാണ്​ ജയസോമ ഫേസ്​ബുക്ക്​ കുറിപ്പ്​ അവസാനിപ്പിക്കുന്നത്​.