ആർ.എസ്​.എസിൻെറ അജണ്ട കേരളത്തിൽ നടക്കില്ല; ഇടതുപക്ഷത്തിൻെറ പരാജയം ഞെട്ടിച്ചു-വിനായകൻ

തിരുവനന്തപുരം: ആർ.എസ്​.എസിൻെറ അജണ്ട കേരളത്തിൽ നടക്കില്ലെന്ന്​ തെളിഞ്ഞതായി ചലച്ചിത്ര താരം വിനായകൻ. സംസ്ഥാനത് തെ ഇടതുപക്ഷത്തിൻെറ പരാജയം ഞെട്ടിച്ചുവെന്നും വിനായകൻ പറഞ്ഞു. മീഡിയ വണ്ണിന്​ നൽകിയ അഭിമുഖത്തിലായിരുന്നു അദ്ദേഹത്തിൻെറ പരാമർശം.

ഇടതുപക്ഷത്തിൻെറ തകര്‍ച്ച ആശങ്കപ്പെടുത്തുന്നതാണ്. എന്താണ്​ സംഭവിച്ചതെന്ന്​ ജനം ചിന്തിക്കേണ്ടിയിരിക്കുന്നു. ബി.ജെ.പിയുടെ രാഷ്​ട്രീയത്തെ കേരള ജനത തള്ളിക്കളഞ്ഞതിൽ സന്തോഷമുണ്ട്​. ഇടതുസഹയാത്രികനാണെങ്കിലും തൽക്കാലം രാഷ്​ട്രീയം തൊഴിലാക്കാനില്ലെന്നും വിനായകൻ വ്യക്​തമാക്കി.