പ്രളയക്കെടുതി: ദുരിതബാധിതർക്കായി വിനായകനും

കോഴിക്കോട്​: കനത്ത മഴയിൽ ദുരിതമനുഭവിക്കുന്നവർക്ക്​ സഹായമഭ്യർഥിച്ച്​ ചലച്ചിത്രതാരം വിനായകൻ. സംസ്ഥാനം വലിയ ​പ്രളയക്കെടുതിയാണ്​ നേരിടുന്നതെന്ന്​ വിനായകൻ പറഞ്ഞു. പ്രളയബാധിത ​പ്രദേശങ്ങളെ സാധാരണനിലയിലേക്ക്​ എത്തിക്കാൻ എല്ലാവരും മുഖ്യമന്ത്രിയുടെ ദുരിതാശ്വാസ നിധിയിലേക്ക്​ സംഭാവന നൽകണമെന്നും അദ്ദേഹം അഭ്യർഥിച്ചു.

നേരത്തെ മമ്മുട്ടിയടക്കമുള്ള മലയാള സിനിമ താരങ്ങളും കമൽഹാസൻ, സൂര്യ, കാർത്തി തുടങ്ങിയ തമിഴ്​ സിനിമാതാരങ്ങങ്ങളും വെള്ളപ്പൊക്ക ദുരിതബാധിതർക്ക്​ സഹായവുമായി രംഗത്തെത്തിയിരുന്നു.