നടൻ മമ്മൂട്ടിക്ക് ദേഹാസ്വാസ്ഥ്യം

മുംബൈ: നടൻ മമ്മൂട്ടിക്കു ശാരീരികാസ്വാസ്ഥ്യം. പ്രവാസി സംഘടനയുടെ കലാസന്ധ്യയിൽ പങ്കെടുത്ത ശേഷം ശനിയാഴ്ച രാവിലെ ദുബൈയിൽനിന്നു മുംൈബയിൽ എത്തിയ അദ്ദേഹത്തിന് കടുത്ത തലവേദനയും പനിയും അനുഭവപ്പെടുകയായിരുന്നു. ഇതേ തുടർന്ന് വൈകിട്ടു ഹോട്ടലിൽനിന്ന് അന്ധേരി സെവൻ ഹിൽസ് ആശുപത്രിയിൽ എത്തിച്ചു. ഉറക്കക്കുറവും രക്തസമ്മർദ ഗുളിക കഴിക്കാൻ മറന്നതുമാണ് ദേഹാസ്വാസ്ഥ്യത്തിന് ഇടയാക്കിയത്. ശനിയാഴ്ച രാത്രിതന്നെ ബംഗളൂരുവിലേക്കു പോയ മമ്മൂട്ടി മദർഹുഡ് ആശുപത്രിയിലെ പരിശോധനക്ക് ശേഷം മകളുടെ വീട്ടിൽ വിശ്രമത്തിലാണ്.