നടൻ ശ്രീനാഥിന്‍റെ മരണത്തിലെ ദുരൂഹത നീക്കണമെന്ന് ഭാര്യ

തിരുവനന്തപുരം: സിനിമ നടൻ ശ്രീനാഥിന്‍റെ മരണത്തിലെ ദുരൂഹത നീക്കണമെന്ന് ഭാര്യ ലത. ഇക്കാര്യം ആവശ്യപ്പെട്ട് മുഖ്യമന്ത്രിക്കും ഡി.ജി.പിക്കും പരാതി നൽകുമെന്ന് ലത മാധ്യമങ്ങളെ അറിയിച്ചു. ശ്രീനാഥിന്‍റെ ശരീരത്തിൽ മറ്റ് മുറിവുകൾ വന്നതിൽ സംശയമുണ്ട്. ഇക്കാര്യങ്ങൾ മറ്റാളുകൾ പറഞ്ഞാണ് അറിഞ്ഞത്. എന്താണ് സംഭവിച്ചതെന്ന് അറിയില്ലെന്നും സത്യാവസ്ഥ പുറത്തു വരണമെന്നും ലത പറഞ്ഞു.  

ശ്രീനാഥിന്‍റെ ഫോണും പേഴ്സും സംഭവ സ്ഥലത്ത് നിന്നും നഷ്ടപ്പെട്ടിട്ടുണ്ട്. 2010ൽ വിശദ അന്വേഷണം ആവശ്യപ്പെട്ട് അന്നത്തെ മുഖ്യമന്ത്രി വി.എസ് അച്യുതാനന്ദനും ആഭ്യന്തര മന്ത്രി കോടിയേരി ബാലകൃഷ്ണനും പരാതി നൽകിയെങ്കിലും നടപടിയുണ്ടായില്ല. ആറു മാസം മുമ്പ് വിവരാവകാശ നിയമ പ്രകാരം കേസിന്‍റെ രേഖകൾ കോതമംഗലം പൊലീസിനോട് ആവശ്യപ്പെട്ടെങ്കിലും ഫയൽ കാണാനില്ലെന്ന മറുപടിയാണ് ലഭിച്ചത്. ഇതേതുടർന്ന് നിയമപോരാട്ടം ആരംഭിക്കാൻ തീരുമാനിച്ചതെന്നും ലത പറഞ്ഞു. 

2010 ഏ​​​​പ്രി​​ൽ 23ന്​ ​​കോ​​ത​​മം​​ഗ​​ല​​ത്തെ ഹോ​​ട്ട​​ൽ മു​​റി​​യി​​ലാ​​ണ്​ ​ശ്രീ​​നാ​​ഥി​​നെ മ​​രി​​ച്ച​​നി​​ല​​യി​​ൽ ക​ണ്ടെ​​ത്തി​​യ​​ത്. മോ​​ഹ​​ൻ​​ലാ​​ൽ നാ​​യ​​ക​​നാ​​യ ’ശി​​ക്കാ​​ർ’ എ​​ന്ന സി​​നി​​മ​​യി​​ൽ അ​​ഭി​​ന​​യി​​ക്കാ​​നാ​​ണ്​ അ​​ദ്ദേ​​ഹം കോ​​ത​​മം​​ഗ​​ല​​ത്ത്​ എ​​ത്തി​​യ​​ത്. ലൊ​​ക്കേ​​ഷ​​നി​​ൽ എ​​ത്തി​​യ ​​ശേ​​ഷം സി​​നി​​മ​​യി​​ൽ​​ നി​​ന്ന്​ ഒ​​ഴി​​വാ​​ക്ക​​പ്പെ​െ​​ട്ട​​ന്ന​​റി​​ഞ്ഞ്​ ആ​​ത്​​​മ​​ഹ​​ത്യ ചെ​​യ്​​​ത​​താ​​ണെ​​ന്നാ​​യി​​രു​​ന്നു​ പൊ​​ലീ​​സ്​ നി​​ല​​പാ​​ട്. താ​​ര​​സം​​ഘ​​ട​​ന​​യി​​ൽ അം​​ഗ​​ത്വ​​മി​​ല്ലാ​​തി​​രു​​ന്ന​​തി​​നാ​​ലാ​​ണ്​ ഒ​​ഴി​​വാ​​ക്ക​​പ്പെ​​ട്ട​​തെ​​ന്നും പ​​റ​​യ​​പ്പെ​​ടു​​ന്നു.