നടിയെ ആക്രമിച്ച കേസ്: മാർച്ച് 14ന് ദിലീപ് അടക്കമുള്ള പ്രതികൾ ഹാജരാകണം

കൊച്ചി: നടിയെ ആക്രമിച്ച കേസിൽ വിചാരണ നടപടികൾ കോടതിയിൽ തുടങ്ങുന്നു. ഇതിന് മുന്നോടിയായി മാർച്ച് 14ന് ദി​ലീ​പ് അടക്കം എല്ലാ പ്രതികളും ഹാജരാകാൻ കോടതി നിർദേശം നൽകി. ഇതിനായി ദിലീപ് അടക്കമുള്ള പ്രതികൾക്ക് സമൻസ് അയക്കാനും കോടതി ഉത്തരവിട്ടു. 

കു​റ്റ​പ​ത്രം സ്വീ​ക​രി​ച്ച​തോ​ടെ ആണ് ദി​ലീ​പ് അ​ട​ക്കം പ്ര​തി​ക​ള്‍ക്ക് കോ​ട​തി സ​മ​ന്‍സ് അ​യ​ച്ചത്. പ്ര​തി​ക​ളെ വി​ളി​ച്ചു​ വ​രു​ത്തി​യ ​ശേ​ഷ​മാ​കും വി​ചാ​ര​ണ ​ന​ട​പ​ടി​ക​ള്‍ക്കാ​യി കു​റ്റ​പ​ത്രം എ​റ​ണാ​കു​ളം പ്രി​ന്‍സി​പ്പ​ല്‍ സെ​ഷ​ന്‍സ് കോ​ട​തി​ക്ക്​ കൈ​മാ​റു​ക. വി​ചാ​ര​ണ ഏ​ത്​ കോ​ട​തി​യി​ൽ​ വേ​ണ​മെ​ന്ന്​ പ്രി​ന്‍സി​പ്പ​ല്‍ സെ​ഷ​ന്‍സ് ജ​ഡ്​​ജി തീ​രു​മാ​നി​ക്കും. ദി​ലീ​പ് ഉ​ൾ​പ്പെ​ടെ 12 പ്ര​തി​ക​ളാ​ണു​ള്ള​ത്. ര​ണ്ടു​ പേ​രെ മാ​പ്പു​സാ​ക്ഷി​ക​ളാ​ക്കി​യി​ട്ടു​ണ്ട്. 

യുവന​ടി​യെ ഉ​പ​ദ്ര​വി​ച്ച് അ​പ​കീ​ര്‍ത്തി​ക​ര​മാ​യ ദൃ​ശ്യ​ങ്ങ​ള്‍ പ​ക​ര്‍ത്താ​ന്‍ ​ക്വ​ട്ടേ​ഷ​ന്‍ ന​ല്‍കി​യെ​ന്ന കേ​സി​ല്‍ നവംബർ 22നാണ് പൾസർ സുനിയെ ഒന്നാം പ്രതിയും നടൻ ദിലീപിനെ എട്ടാം പ്രതിയുമായി അങ്കമാലി കോടതിയിൽ 650 പേജുകളുള്ള അനുബന്ധ കുറ്റപത്രം സമർപ്പിച്ചത്. ആകെ 1452 പേ​ജു​ള്ള കുറ്റപത്രത്തിൽ 355ഒാളം സാക്ഷി മൊഴികളും 15ഒാളം രഹസ്യമൊഴികളും ഉണ്ട്. കൂടാതെ 450ഒാളം രേഖകളും മറ്റ് ശാസ്ത്രീയ പരിശോധന റിപ്പോർട്ടുകളും കോടതിയിൽ അന്വേഷണ സംഘം സമർപ്പിച്ചിരുന്നു.

ത​​​​െൻറ പേരിൽ ഉന്നയിച്ച ആരോപണങ്ങളും തെളിവുകളും കെട്ടിച്ചമച്ചതാണെന്നും ദിലീപ് കോടതിയെ ബോധിപ്പിച്ചത്.