പതിവ്​ അജണ്ടകൾ; വിവാദങ്ങൾക്ക്​ വഴിയൊരുക്കാതെ ‘അമ്മ’

കൊച്ചി: വ്യാഴാഴ്​ച കൊച്ചിയിൽ നടന്ന താരസംഘടനയായ ‘അമ്മ’യുടെ വാർഷിക ജനറൽ ബോഡി യോഗത്തിൽ ചർച്ചയായത്​ പതിവ്​ അജണ്ടകൾ. നടി ആക്രമിക്കപ്പെട്ടതുമായി ബന്ധപ്പെട്ട പുതിയ സംഭവവികാസങ്ങളുടെയും വനിത താരങ്ങളുടെ കൂട്ടായ്​മയായ വിമൻ കലക്​ടീവ്​ ഇൻ സിനിമ (ഡബ്ല്യു.സി.സി) നിലവിൽ വന്നതി​​െൻറയും പശ്ചാത്തലത്തിൽ ചേരുന്ന  യോഗത്തിന്​ ഏറെ പ്രാധാന്യം കൽപ്പിക്കപ്പെട്ടിരുന്നു. എന്നാൽ, വിവാദങ്ങളിലേക്ക്​ കടക്കുകയോ അത്തരം ചർച്ചകൾക്ക്​ വഴിയൊരുക്കുകയോ ഉണ്ടായില്ല. 

സംഘടനയിലെ അംഗമായ നടി ആക്രമിക്കപ്പെട്ട സംഭവം ഇത്രമാത്രം കോളിളക്കം സൃഷ്​ടിച്ചിട്ടും യോഗം ചർച്ച ചെയ്യാതിരുന്നതിൽ ഒരു വിഭാഗം താരങ്ങൾക്ക്​ പ്രതിഷേധമുള്ളതായാണ്​ സൂചന. പ്രത്യേകിച്ച്​  വനിതാ താരങ്ങളുടെ കൂട്ടായ്​മക്ക്​. ആരെങ്കിലും ഉന്നയിച്ചാൽ മാത്രം ​ചർച്ച ചെയ്യപ്പെടേണ്ട വിഷയമല്ല ഇതെന്നാണ്​ അവരുടെ നിലപാട്​. അംഗങ്ങളെ കൈവിടില്ലെന്ന്​ സംഘടനാ നേതൃത്വം ശക്​തമായി പ്രഖ്യാപിക്കു​േമ്പാൾ തന്നെയാണ്​ നടിയുടെ ദുരനുഭവം ചർച്ച ചെയ്യപ്പെടാതെ പോയത്​. വിഷയം ചർച്ചയാകുമെന്ന്​ യോഗത്തിന്​ മുമ്പ്​ മാധ്യമങ്ങളോട്​ സംസാരിച്ച ചില താരങ്ങൾ പ്രതീക്ഷ പ്രകടിപ്പിച്ചിരുന്നു.

എന്നാൽ, വിഷയം യോഗത്തിൽ ഉന്നയിച്ചെങ്കിലും കാര്യമായി ചർച്ച ചെയ്യപ്പെട്ടില്ലെന്നാണ്​ നടി റീമ കല്ലിങ്കൽ പിന്നീട്​ പറഞ്ഞത്​. അതേസമയം, ആരും വിഷയം ഉന്നയിച്ചില്ലെന്ന നിലപാടിലാണ്​ ‘അമ്മ’ നേതൃത്വം. ​നടി ആക്രമിക്കപ്പെട്ട വിഷയം യോഗത്തിൽ ശക്​തമായി ഉന്നയിക്കുമെന്ന്​ ഡബ്ല്യു.സി.സി പ്രവർത്തക കൂടിയായ രമ്യ നമ്പീശനും പറഞ്ഞിരുന്നു. വിഷയം ചർച്ച ചെയ്​തില്ലെന്ന്​ മാത്രമല്ല നടിക്കെതിരെ പരാമർശങ്ങൾ നടത്തിയ താരങ്ങളെ താക്കീത്​ ചെയ്യാൻ പോലും യോഗം തയാറായില്ലെന്നതും ശ്രദ്ധേയമാണ്​. അതേസമയം, സംവിധായകൻ വിനയ​​െൻറ ചിത്രങ്ങളിൽ അഭിനയിക്കുന്നതിന്​ അംഗങ്ങൾക്ക്​ വിലക്കില്ലെന്ന്​ നേതൃത്വം യോഗത്തിൽ വ്യക്​തമാക്കി.