യു.പിയിൽ പത്​മാവത്​ പ്രദർശിപ്പിച്ച തിയറ്ററിൽ ബോംബേറ്​

മുസഫർനഗർ: ഉത്തർപ്രദേശിൽ വിവാദ സിനിമ പത്​മാവത്​ പ്രദർശിപ്പിച്ച തിയറ്ററിനക​ത്ത്​ ​പെട്രോൾ ബോംബെറിഞ്ഞു. ഞായറാഴ്​ച വൈകുന്നേരം രണ്ടു പേർ ബൈക്കിൽ എത്തിയാണ്​ തിയറ്റർ കത്തിക്കാൻ ശ്രമം നടത്തിയത്​. പ്രദേശത്ത്​ സിനിമ പ്രദർശിപ്പിക്കുന്ന മൂന്ന്​ തിയറ്ററുകളിലൊന്നായ ചന്ദ്ര ടാക്കീസിനു നേരെയായിരുന്നു ആക്രമണം. പ്രതികളെ തിരിച്ചറിഞ്ഞിട്ടില്ല. ചരിത്രത്തെ വളച്ചൊടിക്കുന്നതാണ്​ സിനിമയെന്നാരോപിച്ച്​ കർണി സേനയാണ്​ സിനിമക്കെതിരെ രംഗത്തുള്ളത്​.