അജു വർഗീസിനെതിരായ കേസ് റദ്ദാക്കി

കൊച്ചി: യുവനടിയെ പീഡിപ്പിച്ച കേസിൽ ഇരയുടെ പേര് വെളിപ്പെടുത്തിയതിന്‍റെ പേരിൽ നടൻ അജു വർഗീസിനെതിരായ കേസ് ഹൈകോടതി റദ്ദാക്കി. കളമശ്ശേരി പൊലീസ് എടുത്ത കേസാണ് കോടതി റദ്ദാക്കിയത്. ജസ്റ്റിസ് സുനിൽ തോമസ്സിന്‍റെതാണ് ഉത്തരവ്.

ദുരുദ്ദേശപരമായല്ല പേര്​ പരാമർശിച്ചതെന്നും തനിക്കെതിരായ കേസ്​ റദ്ദാക്കണമെന്നും അജു വർഗീസ് കോടതിയിൽ ആവശ്യപ്പെട്ടിരുന്നു. തനിക്കെതിരെയുള്ള കേസ് റദ്ദാക്കുന്നതിൽ വിരോധമില്ലെന്ന് കാണിച്ചു ഇരയായ നടിയുടെ സത്യവാങ്‌മൂലവും അജു വർഗീസ് ഹരജിയോടൊപ്പം സമർപ്പിച്ചിരുന്നു.