കര്‍ണ്ണനിൽ നായകൻ പൃഥ്വിയെന്ന് അറിയില്ലായിരുന്നു -വിക്രം 

കര്‍ണ്ണൻ എന്ന ബിഗ് ബജറ്റ് ചിത്രത്തിൽ അഭിനയിക്കാനായി കരാറൊപ്പിട്ടതിനു ശേഷമാണ് ഇതേ ചിത്രം പൃഥ്വിരാജിനെ നായകനാക്കി മലയാളത്തിൽ ആലോചിച്ചിരുന്നതായി അറിഞ്ഞതെന്ന് നടൻ വിക്രം. മനോരമ ന്യൂസിന് നൽകിയ അഭിമുഖത്തിലാണ് ചിയാൻ ഇക്കാര്യം വ്യക്തമാക്കിയത്. 

മലയാളികൾ ഏറെ പ്രതീക്ഷയോടെ കാത്തിരുന്ന ചിത്രമായിരുന്നു കർണൻ. 300 കോടി മുടക്കിയെടുക്കുന്ന ചരിത്ര സിനിമ മലയാളത്തിൽ പിറവിയെടുക്കുന്നതി​​​​​​​​​െൻറ ആവേശത്തിലായിരുന്നു പ്രേക്ഷകർ. നേരത്തെ മലയാളത്തിൽ പുറത്തിറങ്ങുമെന്ന് പ്രഖ്യാപിച്ച ചിത്രം വിക്രമിനെ നായകനാക്കി ഹിന്ദിയിൽ പ്രഖ്യാപിക്കുകയായിരുന്നു. ‘മഹാവീർ കർണ’ എന്ന പേരിൽ 300 കോടിയോള​ം മുടക്കിയാണ് ചിത്രം നിർമ്മിക്കുന്നത്.  യുണൈറ്റഡ്​ ഫിലി​ം കിങ്​ഡം നിർമിക്കുന്ന ചിത്രം 2019 ഡിസംബറിൽ റിലീസ്​ ചെയ്യുമെന്ന്​ സംവിധായകൻ ആർ.എസ്​ വിമൽ ഫേസ്​ബുക്കിലൂടെ അറിയിച്ചിരുന്നു.