പുതുജീവിതത്തിന്​ പിന്തുണ തേടി ദിലീപും കാവ്യയും

കൊച്ചി: എല്ലാവരുടെയും പ്രാർഥനയും പിന്തുണയും ഞങ്ങളുടെ ജീവിതത്തിന്​ വേണമെന്ന്​ നടൻ ദിലീപ്​. കാവ്യ മാധവനുമായുള്ള വിവാഹ ശേഷം മാധ്യമങ്ങളോട്​ സംസാരിക്കുകയായിരുന്നു അദ്ദേഹം.

ഞങ്ങളുടെ നല്ല ജീവിതത്തിന്​ വേണ്ടി പ്രാർഥിക്കണം. ജീവിതത്തിൽ കൂട്ടു വേണം എന്ന അവസ്​ഥ വന്നപ്പോൾ മകളും അമ്മയും കുടുംബക്കാരും മറ്റും ചേർന്ന്​ വിവാഹം കഴിക്കാൻ നിർബന്ധിച്ചു.

ഞാൻ കാരണം ഇരയായ പെൺകുട്ടിയെ തന്നെ വിവാഹം കഴിക്കാം എന്ന്​ തീരുമാനിക്കുകയായിരുന്നു. രണ്ടു വർഷമായി ഞങ്ങളുടെ വിവാഹം നടന്നു കൊണ്ടിരിക്കുന്നു. പത്ത്​, ഇരുപത്​ സിനിമകൾ ഒരുമിച്ചു ചെയ്​തുവെന്ന കുറ്റം മാത്രമേ ഞങ്ങൾ ചെയ്​തിട്ടുള്ളൂവെന്നും ദിലീപ്​ പറഞ്ഞു.

എല്ലാവരും പ്രാർഥിക്കണമെന്ന്​ കാവ്യാ മാധവൻ പറഞ്ഞു. എല്ലാവരും ആഗ്രഹിച്ച വിവാഹമാണിത്​. ഇത്രയും കൂടുതൽ കല്യാണം ആരെയും കഴിപ്പിച്ചിട്ടില്ലെന്നും കാവ്യ പറഞ്ഞു.

ഞാനാണ്​ അച്ഛനോട്​ പറഞ്ഞത്. തീരുമാനം എ​െൻറതായിരുന്നു. ദിലീപി​െൻറ ​ മകൾ മീനാക്ഷി അറിയിച്ചു.