തിലകന് വേണ്ടി മുതലക്കണ്ണീർ പൊഴിക്കുന്നവരോട് -എം.എ നിഷാദ് 

നടിയെ ആക്രമിച്ച കേസിൽ പ്രതിയായ നടൻ ദിലീപിനെ 'അമ്മ'യിൽ തിരിച്ചെടുത്ത നടപടിയെ വിമർശിച്ച സംവിധാ‍യകൻ ആഷിഖ്​​ അബുവിനെതിരെ സംവിധായകനും നടനുമായ എം.എ നിഷാദ്. നടൻ തിലകന് വേണ്ടി മുതക്കണ്ണീർ പൊഴിക്കുന്നവരോട് എന്ന തലക്കെട്ടിൽ ഫേസ്ബുക്കിലെഴുതിയ കുറിപ്പിലാണ് ആഷിഖ് അബുവിനെ നിഷാദ് വിമർശിക്കുന്നത്. 

തിലകനോട് മാപ്പ് ചോദിക്കാൻ ആഹ്വാനം നടത്തുന്ന സഹോദരാ, അങ്ങയുടെ എത്ര സിനിമയിൽ തിലകൻ ചേട്ടനെ അഭിനയിപ്പിച്ചിട്ടുണ്ട് ? തിലകൻ എന്ന മഹാ നടനോട് കടുത്ത അനീതിയാണ് മലയാള സിനിമ പ്രവർത്തകർ ചെയ്തത്. വിലക്കുകൾക്ക് പുല്ലു വില കൽപ്പിച്ച്, അദ്ദേഹത്തേ സിനിമയിൽ അഭിനയിപ്പിച്ച തങ്ങളെ പോലുളള സംവിധായകർക്ക് ഇതൊക്കെ കാണുമ്പോൾ പുച്ഛം തോന്നുന്നുവെന്നും അദ്ദേഹം കുറിച്ചു.