സെന്‍സര്‍ഷിപ് ജനാധിപത്യത്തിന് ഭീഷണി -ജയന്‍ ചെറിയാന്‍

തിരുവനന്തപുരം: സെന്‍സര്‍ഷിപ് ജനാധിപത്യത്തിന് ഭീഷണിയെന്ന് ‘കാ ബോഡിസ്കേപ്സ്’ സിനിമയുടെ സംവിധായകന്‍ ജയന്‍ ചെറിയാന്‍. സെന്‍സര്‍ഷിപ് കോളനിവത്കരണത്തിന്‍െറ തുടര്‍ച്ചയാണ്. പുരാതനവും കര്‍ക്കശവുമായ ഈ പ്രവണത കലാകാരന്മാരെ അപമാനിക്കുന്നതിന് തുല്യമാണെന്ന് അദ്ദേഹം പറഞ്ഞു. ചലച്ചിത്ര മേളയുടെ മീറ്റ് ദ പ്രസില്‍ സംസാരിക്കുകയായിരുന്നു അദ്ദേഹം. ലിംഗത്തെ ആരാധിക്കുന്ന പാരമ്പര്യമാണ് ഭാരതത്തിനുള്ളത്. നമ്മുടെ പൂര്‍വികരുടെ ചിന്തയും കാഴ്ചപ്പാടും ഇന്നത്തെ സമൂഹത്തേക്കാള്‍ പുരോഗമനപരമായിരുന്നെന്നും അദ്ദേഹം പറഞ്ഞു.