പിതാവിന്‍റെ പേരിലല്ല, ഞാൻ അറിയപ്പെടുന്നത്; സോനത്തിനെതിരെ കങ്കണ

ന്യൂഡൽഹി: മീ ടൂ വെളിപ്പെടുത്തലുകളെ പരിഹസിച്ച സോനം കപൂറിനെതിരെ നടി കങ്കണ റണാവത്ത്. കങ്കണ പറയുന്ന കാര്യങ്ങൾ ഗൗരവത്തിലെടുക്കുന്നില്ലെന്ന് സോനം പറഞ്ഞിരുന്നു. ഇതിനെ വിമർശിച്ചാണ് കങ്കണ രംഗത്തെത്തിയത്.

ബംഗളൂരുവില്‍ നടന്ന 'വോഗ് വീ ദ വിമന്‍' സമ്മിറ്റിലാണ് സോനം കങ്കണക്കെതിരെ പറഞ്ഞത്. കങ്കണ, കങ്കണ റണാവത്ത് ആയിട്ടാണ് കാര്യങ്ങളെയും സമീപിക്കുന്നത്. അവള്‍ ഒരു പാട് കാര്യങ്ങള്‍ പറയുന്നു. അതെല്ലാം ഗൗരവമായിയെടുക്കാന്‍ പ്രയാസമാണ്. അവളെന്താണോ വിശ്വസിക്കുന്നത്, അതാണ് അവള്‍ പറയുന്നത്. എന്തായാലും ആ സ്വഭാവത്തെ താനിഷ്ടപ്പെടുന്നുവെന്നും സോനം പറഞ്ഞിരുന്നു.