ഇന്നത്തെ സിനിമാ ഗാനങ്ങൾ സംഗീത പ്രേമികളെ തൃപ്​തിപ്പെടുത്തുന്നില്ല - മുഖ്യമന്ത്രി

തലശ്ശേരി: ഇന്നത്തെ സിനിമാ ഗാനങ്ങൾക്ക്​ ആസ്വാകദ മനസി​​െൻറ ഉപരിപ്ലവമായ ഇടത്തേക്ക്​ മാത്രമേ ചെന്നെത്താൻ കഴിയുന്നുള്ളൂവെന്ന്​ മുഖ്യമന്ത്രി പിണറായിവിജയൻ. ഭൂരിഭാഗം സിനിമാഗാനങ്ങളും സംഗീത പ്രേമികളെ തൃപ്​തി​പ്പെടുത്തുന്നില്ലെന്നും ഇത്തരം പാട്ടുകൾക്ക്​ കാലങ്ങളെ അതിജീവിക്കാൻ കഴിയില്ലെന്നും അദദ്ദഹം പറഞ്ഞു. കെ. രാഘവൻ മാസ്​റ്ററുടെ വെങ്കല പ്രതിമ തലശ്ശേരി സ​െൻറിനറി പാർക്കിൽ അനാഛാദനം ചെയ്​തശേഷം സംസാരിക്കുകയായിരുന്നു അ​ദ്ദേഹം.

എന്നാൽ മലയാള ഭാഷ നിലനിൽക്കുന്ന കാലത്തോളം രാഘവൻ മാസ്​റ്റരുടെ പാട്ടുകൾ ജനമനസ്സുകളിൽ നിലനിൽക്കും. കെ. രാഘവൻ മാഷും പി. ഭാസ്​കരനും ചേർന്നൊരുക്കിയ ഒരുക്കിയ നീലക്കുയിൽ എന്നസിനിമയിൽ ഒരുക്കിയ പാട്ടുകൾ ആറ്​പതിറ്റാണ്ടിനുശേഷവും കാലത്തെ അതിജീവിക്കുന്നുണ്ട്​. രാഘവൻ മാഷെ ജനമനസ്സിൽ പ്രതിഷ്ഠിച്ച സിനിമയായിരുന്നു അത്​.

മണ്ണി​​െൻറ മണമുള്ള നൂകണക്കിന്​ ഗാനങ്ങളാണ്​ അദ്ദേഹം ചിട്ടപ്പെടുത്തിയത്​. തമിഴിലെയും ഹിന്ദിയിലെയും ഇൗണങ്ങളായിരുന്നു മലയാള സിനിമാ ഗാനങ്ങൾക്കും ആദ്യകാലം ഉണ്ടായിരുന്നത്​. 1950കളിലാണ്​ അതിന്​ മാറ്റം വന്നത്​.​ ആമാറ്റത്തിന്​മലയാള തനിമയുടെ സൗന്ദര്യം നൽകിയ കലാകാരനാണ്​ രാഘവൻ മാസ്​റ്ററെന്നും മുഖ്യമന്ത്രി അനുസ്​മരിച്ചു.