ഇന്നസെന്‍റും മുകേഷും ഗണേഷും 'അമ്മ'യിലെ പദവികൾ ഒഴിയണം -ചെറിയാൻ ഫിലിപ്പ് 

കോഴിക്കോട്: ഇടതുപക്ഷ ജനപ്രതിനിധികളായ സിനിമ താരങ്ങൾ ചലച്ചിത്ര താരസംഘടനയായ 'അമ്മ'യിലെ പദവികൾ ഒഴിയണമെന്ന് ഇടതുസഹയാത്രികൻ ചെറിയാൻ ഫിലിപ്പ്. തന്‍റെ ഫേസ്ബുക്ക് പേജിലൂടെയാണ് ഇക്കാര്യം ആവശ്യപ്പെട്ടത്. 

"ഇടതുപക്ഷ ജനപ്രതിനിധികളായ ഇന്നസെന്‍റ്, മുകേഷ്, ഗണേഷ് കുമാർ എന്നിവർ അമ്മയുടെ ഭാരവാഹിത്വം ഒഴിയണം. വിവാദങ്ങളിൽ നിന്നും മാറി നിൽകണം". -എന്നാണ് ചെറിയാൻ ഫിലിപ്പ് ഫേസ്ബുക്കിൽ കുറിച്ചത്. 

എൽ.ഡി.എഫ് സ്ഥാനാർഥിയായി മത്സരിച്ച് എം.പിയായ ഇന്നസെന്‍റ് അങ്കമാലി മണ്ഡലത്തിൽ നിന്നാണ് ലോക്സഭയിലെത്തിയത്. മുകേഷ് കൊല്ലത്ത് നിന്നും സി.പി.എം ടിക്കറ്റിലും കെ.ബി ഗണേഷ് കുമാർ പത്തനാപുരം നിയോജക മണ്ഡലത്തിൽ നിന്ന് എൽ.ഡി.എഫ് സ്ഥാനാർഥിയായുമാണ് നിയമസഭാംഗമായത്.