മലയാള സിനിമ ക്രിമിനലുകൾ കൈയടക്കി -മന്ത്രി സുധാകരൻ

കോട്ടയം: മലയാള സിനിമയുടെ നല്ലൊരുഭാഗവും ​ക്രിമിനലുകൾ കൈയടക്കിയിരിക്കുകയാണെന്ന്​ മന്ത്രി ജി.സുധാകരൻ. പണശേഖരണം, നിർമാണം, അഭിനയം, സംവിധാനം സാങ്കേതിക മേഖല എന്നിവയിലെല്ലാം ക്രിമിനലുകൾ കടന്നുകയറി. ഇതിനുവെളിയിലുള്ള ഏർ​പ്പാടുകളിലും ക്രിമിനൽവത്കരണമാണ്​. മലയാളികൾക്ക്​ ഇത്​ അപമാനമാണ്​. സാഹിത്യ പ്രവർത്തക സഹകരണസംഘത്തി​​െൻറ എൻ.ബി.എസ് പുസ്​തകോത്സവം ഉദ്​ഘാടനം ചെയ്യുകയായിരുന്നു അദ്ദേഹം.

തെറ്റുകൾ ചൂണ്ടിക്കാ​ട്ടേണ്ടത്​ കലാകാരൻമാരു​െട ചുമതലയായിരുന്നു. ഇപ്പോഴിത്​ നടക്കുന്നില്ല. രാഷ്​ട്രീയക്കാരെ ഭൂരിഭാഗത്തിനും പുച്ഛ​മാണ്​. എന്നാൽ, ആവശ്യം വരു​േമ്പാൾ രാഷ്​ട്രീയക്കാരു​െട അടുത്തുവന്ന ്​നിലവിളിക്കുമെന്നും അദ്ദേഹം പറഞ്ഞു.

മന്ത്രി ജി. സുധാകരൻ രചിച്ച ‘ഉന്നതങ്ങളിലെ പൊള്ളമനുഷ്യൻ’, ’അറേബ്യൻ പണിക്കാർ’ എന്നീ കവിതാ സമാഹാരങ്ങൾ സംവിധായകൻ അടൂർ ഗോപാലകൃഷ്ണൻ പ്രകാശനം ചെയ്തു. മാതൃകകൾ കാണിക്കേണ്ടവർ അതു കാണിക്കാത്തതാണ്​ സമൂഹം നേരിടു​ന്ന പ്രശ്​നം. സുധാകരൻ പലപ്പോഴും ഇതിൽനിന്ന്​ വേറിട്ടുനിൽക്കുകയാണെന്നും പൊലീസ്​ അകമ്പടി അദ്ദേഹം ഒഴിവാക്കിയത്​ എല്ലാവർക്കും മാതൃകയാണെന്നും അടൂർ പറഞ്ഞു.