മലയാളി നടിയെ ശല്യപ്പെടുത്തിയ യുവാവ് അറസ്​റ്റിൽ

ബംഗളൂരു: വിവാഹാഭ്യർഥന നടത്തി മലയാളി നടിയെ ശല്യപ്പെടുത്തിയ യുവാവിനെ ബംഗളൂരു സിറ്റി പൊലീസ് അറസ്​റ്റ് ചെയ്തു. ബസവനഗുഡിയിലെ സ്വകാര്യ സ്ഥാപനത്തിൽ ജീവനക്കാരനായ ഇലക്ട്രോണിക് സിറ്റി സ്വദേശി ഫ്രാങ്ക്ലിൻ വിസിലാണ് (28) അറസ്​റ്റിലായത്. നടി നൽകിയ പരാതിയിലാണ് നടപടി. ഒരു വർഷമായി വിവാഹാഭ്യർഥന നടത്തി ഇവരെ ഇദ്ദേഹം ശല്യപ്പെടുത്തുന്നുണ്ട്. പലതവണ ഒഴിഞ്ഞുമാറിയെങ്കിലും ശല്യം തുടർന്നതോടെയാണ് പരാതി നൽകിയത്. മഡിവാള പൊലീസ് കോടതിയിൽ ഹാജരാക്കിയ യുവാവ് ജാമ്യത്തിലിറങ്ങി.