ലൊക്കേഷനിൽ അപമാനത്തിന് ഇരയായ മേക്കപ്പ്​ ആർട്ടിസ്​റ്റ്​ വനിതാ കമീഷനെ സമീപിച്ചു

കൊച്ചി: സിനിമാ ലൊക്കേഷനിൽ അപമാനത്തിനും ഭീഷണിക്കും ഇരയായ സംഭവത്തിൽ മേക്കപ്പ്​ ആർട്ടിസ്​റ്റ്​ വനിതാ കമ്മിഷനെ സമീപിച്ചു. ​െഎ.ജി അടക്കം ഉന്നത പൊലിസ്​ ഉദ്യോഗസ്​ഥർക്ക്​ നൽകിയ പരാതിയിൽ നടപടികളൊന്നും ഉണ്ടാകാത്ത സാഹചര്യത്തിലാണ് ഇവർ വനിതാ കമ്മിഷനെയും കൂടാതെ മനുഷ്യാവകാശ കമ്മിഷനിലും പരാതി നൽകിയത്​. ഇടപ്പള്ളി സ്വദേശിനിയായ പ്രമുഖ മേക്കപ്പ്​ ആർട്ടിസ്​റ്റാണ്​ കുമളിയിലെ വില്ലയിൽ അതിക്രമത്തിന്​ ഇരയായത്​.

വി.കെ. പ്രകാശ്​  സംവിധാനം ചെയ്യുന്ന  പ്രാണ എന്ന സിനിമയിൽ നായിക നിത്യ മേനോ​​െൻറ മേക്കപ്പ്​ ആർട്ടിസ്​റ്റായി കുമളിയിൽ പ്രവർത്തിക്കുന്നതിനിടെയാണ്​ ഇവർക്ക്​ മോശമായ അനുഭവം ഉണ്ടായത്​. താമസിച്ചിരുന്ന മുറിയിൽ നിന്ന്​ ഇവരുടെ വിലപ്പുള്ള മേക്കപ്പ്​ സാധനങ്ങൾ അപഹരിച്ചു. അടുത്ത ദിവസം മുറിയിലെത്തിയപ്പോൾ അക്രമികൾ അതിക്രമത്തിനും മുതിർന്നു. വിവരം അറിഞ്ഞ്​ പൊലിസ്​ എത്തിയെങ്കിലും ഇവരെ പൊലിസിനോട്​ പരാതി പറയാൻ അവസരം നൽകാതെ മുറിയിൽ പൂട്ടിയിടുകയായിരുന്നു.

രാത്രിയിൽ തന്നെ കാറിൽ കയറ്റി എറണാകുളത്ത്​ എത്തിക്കുകയും ചെയ്​തു. സിനിമാ പ്രവർത്തകർ തനിക്ക്​ സംരക്ഷണം നൽകിയില്ലെന്ന്​ മാത്രമല്ല, താമസസ്​ഥലത്ത്​ നടന്ന അതിക്രമത്തിന്​ പിന്നിൽ പ്രൊഡക്​ഷൻ കൺട്രോളറുടെ ഗൂഠാലോന സംശയിക്കുന്നതായും ഇവർ പരാതിയിൽ പറഞ്ഞിരുന്നു. എന്നാൽ മേക്കപ്പ്​ ആർട്ടിസ്​റ്റ്​ ഹോട്ടലിൽ മദ്യപിച്ച്​ പ്രശ്​നങ്ങൾ ഉണ്ടാക്കിയതിനാൽ ഇവരെ ഒഴിവാക്കുകയായിരുന്നുവെന്നാണ്​ ഇതിനോട്​ സിനിമാ പ്രവർത്തകർ പ്രതികരിച്ചത്​. തനിക്ക്​ നേരെ ക്രൂരമായ അതിക്രമം ഉണ്ടായിട്ടും പ്രതികളെ സംരക്ഷിക്കുന്ന സമീപനമാണ്​ പൊലിസി​​െൻറ ഭാഗത്തു നിന്ന്​ ഉണ്ടാകുന്നത്​ എന്ന്​ ചൂണ്ടിക്കാട്ടിയാണ്​ ഇവർ[ വനിതാ കമ്മിഷനെ സമീപിച്ചത്​.