‘പൊറിഞ്ചു മറിയം ജോസ്’: പരാതി ജോഷിക്ക്​ എതിരെയല്ലെന്ന് നോവലിസ്​റ്റ്​ ലിസി

തൃശൂർ: ‘പൊറിഞ്ചു മറിയം ജോസ്’ സിനിമക്ക് നിരോധന ഉത്തരവ് ലഭിച്ച സംഭവത്തിൽ ത​​െൻറ പരാതി സംവിധായകൻ ജോഷിക്ക്​ എതിരെയല്ലെന്ന് ​േനാവലിസ്​റ്റ്​ ലിസി. ഡേവിഡ് കാച്ചപ്പിള്ളിയും ഡാനി ​പ്രൊഡക്​ഷൻസും ആവശ്യപ്പെട്ടതനുസരിച്ചാണ് ‘കാട്ടാളൻ പൊറിഞ്ചു’ എന്ന തിരക്കഥ താൻ എഴുതിയത്. ഡേവിഡ് കാച്ചപ്പിള്ളി പ്രോജക്ടിൽ നിന്നും പിന്മാറിയപ്പോൾ ഒരുപാട് വിഷമം തോന്നിയിരു​െന്നങ്കിലും ഡാനി പ്രൊഡക്​ഷൻസ് സിനിമയാക്കുമെന്ന് ഉറപ്പ് നൽകിയിരുന്നു. ‘പൊറിഞ്ചു മറിയം ജോസ്’ എന്ന സിനിമയെക്കുറിച്ചുള്ള വാർത്ത കണ്ടപ്പോഴാണ് ത​​െൻറ കഥാപാത്രങ്ങളും സന്ദർഭങ്ങളും ഉപയോഗിച്ചിട്ടുണ്ടെന്ന് മനസ്സിലാക്കിയത്. താൻ ചതിക്കപ്പെട്ടുവെന്ന് തോന്നിയതിനാലാണ് കോടതിയെ സമീപിച്ചത്.

ത​​െൻറ നോവലായ ‘വിലാപ്പുറങ്ങൾ’ ആധാരമാക്കി രചിച്ച കാട്ടാളൻ പൊറിഞ്ചു എന്ന തിരക്കഥയിലെ പേരുകളോ സന്ദർഭങ്ങളോ ഉപയോഗിച്ച് സിനിമ നിർമിക്കുകയോ സംവിധാനം ചെയ്യുകയോ പ്രദർശിപ്പിക്കുകയോ ചെയ്യരുതെന്ന കോടതി ഉത്തരവ് ലഭിച്ചതിൽ സന്തോഷമുണ്ട്.

വിലാപ്പുറങ്ങൾ എന്ന നോവലിൽനിന്നും ഡേവിഡ് കാച്ചപ്പിള്ളിക്ക് അയച്ചുകൊടുത്ത തിരക്കഥയിൽനിന്ന്​ കഥാപാത്രങ്ങളെയും സന്ദർഭങ്ങളെയും ഉപയോഗിച്ചു എന്നാണ് പരാതിയിൽ പറഞ്ഞത്. ഡേവിഡ് കാച്ചപ്പിള്ളി, തിരക്കഥാകൃത്തായ അഭിലാഷ് എൻ. ചന്ദ്രൻ സിനിമയുടെ നിർമാതാക്കളായ റെജിമോൻ/ കീർത്തന പ്രൊഡക്ഷൻസ് സംവിധായകൻ ജോഷി എന്നിവർക്കെതിരെയാണ് പരാതി നൽകിയിരിക്കുന്നത്.

എന്നാൽ, ജോഷിയുമായി താൻ തിരക്കഥ ചർച്ച നടത്തുകയോ സംസാരിക്കുകയോ ചെയ്തിട്ടില്ലെന്നും ഡേവിഡ് കാച്ചപ്പിള്ളിക്കാണ് തിരക്കഥ അയച്ചതെന്നും ലിസി പറഞ്ഞു. സിനിമാമേഖലയിൽ നിലനിൽക്കുന്ന ദുഷ്പ്രവണതകൾക്കെതിരെയാണ് ത​​െൻറ പോരാട്ടമെന്നും ലിസി വ്യക്തമാക്കി.