ദിലീപിന് ജാമ്യം ലഭിച്ചതിൽ ഭയമില്ല; ഭാവി തെളിവുകൾ തീരുമാനിക്കട്ടെ -സുനിൽ കുമാർ

കൊച്ചി: നടിയെ ആക്രമിച്ച കേസിൽ നടൻ ദിലീപ്​ ജയിൽമോചിതനായതിൽ ഭയമില്ലെന്നും കേസി​​െൻറ ഭാവി തെളിവുകൾ തീരുമാനിക്ക​െട്ടയെന്നും മുഖ്യപ്രതി പൾസർ സുനി എന്ന സുനിൽകുമാർ. മുതിർന്ന നടിയെ തട്ടിക്കൊണ്ടുപോകാൻ ശ്രമിച്ച കേസിൽ റിമാൻഡ്​​ കാലാവധി അവസാനിച്ചതിനെത്തുടർന്ന്​ വെള്ളിയാഴ്​ച എറണാകുളം സി.ജെ.എം കോടതിയിൽ ഹാജരാക്കാൻ കൊണ്ടുവന്നപ്പോഴാണ്​ സുനി ഇങ്ങനെ പ്രതികരിച്ചത്​. 

മുതിർന്ന നടിയെ ആക്രമിച്ച കേസിൽ നേരത്തേ ഇയാൾക്ക്​ ജാമ്യം ലഭിച്ചെങ്കിലും തുടർനടപടി സ്വീകരിക്കാത്തതിനാൽ ജയിലിൽ കഴിയുകയാണ്​. ഇതോടെയാണ്​ റിമാൻഡ്​​ കാലാവധി അവസാനിച്ചതിനെത്തുടർന്ന്​ വീണ്ടും ഹാജരാക്കിയത്​. റിമാൻഡ്​​ കോടതി ഇൗമാസം 20 വരെ നീട്ടി​.