നമ്പി നാരായണനായി മാധവൻ; സഹായവുമായി ആമിർ ഖാൻ

ചെന്നൈ: ​െഎ.എസ്​.ആർ.ഒ ചാരക്കേസിൽ അറസ്​റ്റ്​ ചെയ്യപ്പെടുകയും തുടർന്ന്​ കുറ്റവിമുക്​തനാക്കപ്പെടുകയും ചെയ്​ത ശാസ്​ത്രജ്ഞൻ നമ്പി നാരായണ​​​​െൻറ ജീവിതം വെള്ളിത്തിരയിലേക്ക്​. തമിഴിലെ മുൻനിരം താര​ മാധവനാണ്​ നമ്പി നാരായണനായി വേഷമിടുന്നത്. 

നമ്പി നാരായണ​​​െൻറ ആത്മകഥയായ ‘ഒാർമയുടെ ഭ്രമണപഥങ്ങളി’ലിനെ ആസ്​പദമാക്കിയാണ് ചിത്രം ഒരുങ്ങുന്നത്. തമിഴ്​, ഹിന്ദി, ഇംഗ്ലീഷ്​ ഭാഷകളിൽ പുറത്തിറക്കാനിരിക്കുന്ന ചിത്രത്തി​ന്‍റെ തിരക്കഥ തയാറാക്കുന്നത് ആനന്ദ്​ മഹാദേവാണ്​​. നമ്പി നാരായണനുമായി ആനന്ദ്​ നടത്തിയ അഭിമുഖത്തിലൂടെയാണ്​ അദ്ദേഹം തിരക്കഥ രൂപപ്പെടുത്തിയത്​.

െഎ.എസ്​.ആർ.ഒ ചാരക്കേസിന്​ മുൻപും ശേഷവുമുള്ള നമ്പി നാരായണ​​​െൻറ ജീവിതവും, 1970കളിൽ അദ്ദേഹം അവതരിപ്പിച്ച ലിക്വിഡ്​ ഫ്യുവൽ ടെക്​നോളജിയെ കുറിച്ചുമുള്ള വിവരങ്ങൾ ചിത്രത്തിലുണ്ടാവും. ​ഹോളിവുഡ്​ ചിത്രമായ ​'ഗ്രാവിറ്റി'യുടെ ടെക്​നിക്കൽ ടീം ചിത്രത്തി​​​െൻറ അണിയറയിൽ പ്രവർത്തിച്ചേക്കുമെന്ന്​ റിപ്പോർട്ടുകളുണ്ട്​. 

ചിത്രത്തിന്​ വേണ്ടി കഠിനമായ അധ്വാനത്തിലാണ്​ മാധവൻ. മറ്റ്​ ചിത്രങ്ങൾക്കൊന്നും ഡേറ്റ്​ നൽകാതെ പഠനങ്ങളിലും ഹോംവർക്കിലുമാണിപ്പോൾ. കഥാപാത്രത്തിന്‍റെ വിവിധ കാലഘട്ടങ്ങൾ അവതരിപ്പിക്കേണ്ടതിനാൽ ശരീരം പല രീതിയിൽ രൂപപ്പെടുത്തണം. ഇതിനായി ബോളീവുഡ്​ സൂപ്പർ സ്​റ്റാർ ആമിർ ഖാ​​​െൻറ ഉപദേശം തേടിയിരിക്കുകയാണ് അദ്ദേഹം. ദംഗലിൽ യുവാവായും വൃദ്ധനായുമൊക്കെ ആമിർ വേഷമിട്ടിരുന്നു. 

എ​​​െൻറ സിനിമാ ജീവിതത്തിൽ ഏറ്റവും ആവേശമുണർത്തുന്ന ചിത്രമാണിതെന്നും നമ്പി നാരായണ​​​െൻറ 27 വയസ് മുതൽ 75 വയസ് വരെയുള്ള കാലഘട്ടം അവതരിപ്പിക്കുന്നുണ്ടെന്നും മാധവൻ പറഞ്ഞു. ചിത്രത്തി​​​െൻറ കൂടുതൽ വിവരങ്ങൾ പുറത്ത്​ വിടുന്നതിന്​ തനിക്ക്​ പരിമിധിയുണ്ടെന്നും തമിഴിലെ മുൻ ചോക്ലേറ്റ്​ ഹീറോ പറഞ്ഞു.