പുതിയ രാജമൗലി ചിത്രം പ്രഖ്യാപിച്ചു

ബ്രഹ്മാണ്ഡ ചിത്രം ബാഹുബലിക്ക് ശേഷം രാജമൗലി സംവിധാനം ചെയ്യുന്ന പുതിയ ചിത്രം പ്രഖ്യാപിച്ചു. തെലുങ്ക് സിനിമയിലെ സൂപ്പര്‍ താരങ്ങളായ ജൂനിയര്‍ എന്‍.ടി.ആർ, രാം ചരണ്‍ തേജ എന്നിവരാണ് നായകൻമാർ. രാജമൗലി തന്നെയാണ് ട്വിറ്ററിലൂടെ ഇക്കാര്യം സ്ഥിരീകരിച്ചത്. 

രാജമൗലി, രാം ചരണ്‍, രാമറാവു എന്ന പേരുകളുടെ ആദ്യത്തെ അക്ഷരമായ ആര്‍ ഉപയോഗിച്ചാണ് ആര്‍.ആര്‍.ആര്‍ എന്ന ഹാഷ് ടാഗിലൂടെ വീഡിയോ ഒരുക്കിയിരിക്കുന്നത്. ചിത്രത്തിലെ താരങ്ങളെ ഔദ്യോഗികമായി പ്രഖ്യാപിക്കുകയായിരുന്നു അദ്ദേഹം. ചിത്രത്തിന്റെ പേര് ഇതുവരേയും പുറത്തുവിട്ടിട്ടില്ല. ഡിവിവി എന്‍റർടെയ്ൻമെന്‍റാണ് ചിത്രം നിര്‍മ്മിക്കുന്നത്.