തമിഴ്​നാട്ടിൽ ജനകീയ നേതാവി​െൻറ അഭാവം മറികടക്കു​െമന്നു രജനീകാന്ത്​

ചെന്നൈ: ജനകീയ നേതാവി​​​െൻറ അഭാവമാണ് തന്നെ രാഷ്​ട്രീയത്തിലിറക്കിയതെന്നും ആ അഭാവം മറികടക്കുമെന്നും സ്​റ്റൈൽ മന്നൻ രജനീകാന്ത്. തമിഴിനെ സംരക്ഷിക്കാൻ തമിഴ് പറഞ്ഞാൽമാത്രം പോരാ. ​േലാക ഭാഷയായ ഇംഗ്ലീഷും പഠിച്ചുവളരുന്നതി​െനാപ്പം തമിഴനും വളരണമെന്നും  അദ്ദേഹം പറഞ്ഞു. രാഷ്​ട്രീയ പ്രഖ്യാപനത്തിന് ശേഷമുള്ള ആദ്യ പൊതുപരിപാടിയിൽ രജനീകാന്ത്​  പക്വമതിയായ രാഷ്​ട്രീയ നേതാവി​​​െൻറ സ്​റ്റൈലാണ്​ പുറ​ത്തെടുത്തത്​.  

വിദ്യാർഥികളും ആരാധകരുമുൾപ്പെടെ ആയിരക്കണക്കിനു പേരെ രജനിയുടെ അര മണിക്കൂർ പ്രസംഗം കേൾക്കാൻ തടിച്ചുകൂടിയിരുന്നു. രാഷ്​ട്രീയത്തിൽ ഇറങ്ങിയ നടനും മക്കൾ നീതി മയ്യം നേതാവുമായ കമൽ ഹാസനും ഡി.എം.കെ, അണ്ണാ ഡി.എം.കെ നേതാക്കളും  ഉന്നയിച്ച വിമർശനങ്ങൾക്കെല്ലാം കൃത്യമായ മറുപടിയും നൽകി.​ തിങ്കളാഴ്​ച വൈകുന്നേരം ചെന്നൈക്കടുത്ത മധുരവയലിലെ ഡോ. എം.ജി.ആർ സർവകലാശാലയിൽ  എം.ജി.ആർ. പ്രതിമ അനാച്ഛാദനം ചെയ്ത ശേഷമാണ്​ രജനി പ്രസംഗിച്ചത്​. 

തമിഴ്​നാട്ടിൽ എം.ജി.ആറി​​​െൻറ ഭരണം തിരിച്ചുകൊണ്ടുവരും. തനിക്ക് എം.ജി.ആറി​​​െൻറ ഔന്നത്യമില്ല. എന്നാൽ, അ​േദ്ദഹത്തെപ്പോലെ നല്ല ഭരണം കാഴ്ച​െവക്കാൻ കഴിയുമെന്ന  പൂർണ വിശ്വാസമുണ്ട്. സിനിമക്കാർ അവരുടെ പണി ചെയ്​താൽ മതി, രാഷ്​ട്രീയത്തിലേക്കു വരേണ്ടെന്നാണു ചിലർ പറയുന്നത്. നിങ്ങൾ നിങ്ങളുടെ പണി നന്നായി ചെയ്യാത്തതുകൊണ്ടാണു ഞാൻ വരുന്നത്. രാഷ്​ട്രീയത്തിൽ കാത്തിരിക്കുന്നതു പൂവല്ല,  കല്ലും മുള്ളും നിറഞ്ഞ പാതയാണെന്നു അറിയാം. ജനങ്ങൾക്കു നല്ലതു ചെയ്യുകയാണു ലക്ഷ്യം. ജയലളിതയുടെ കാലത്തും രാഷ്​ട്രീയത്തിൽ അഭിപ്രായം പറഞ്ഞിട്ടുണ്ട്. വിദ്യാർഥികൾ രാഷ്​ട്രീയത്തിൽ ഇടപെടരുത്. പഠിക്കുകയാണു അവരുടെ ചുമതല. തമിഴിനൊപ്പം ഇംഗ്ലീഷും നന്നായി പഠിക്കണം. തമിഴിനൊപ്പം ഇംഗ്ലീഷുകൂടി പഠിച്ചതുകൊണ്ടാണ് സുന്ദർ പിച്ചെയും എ.പി.ജെ അബ്​ദുൾ കലാമും ലോക പ്രസിദ്ധരായത്. അവർക്കൊപ്പം തമിഴും  പ്രസിദ്ധമായത് മറക്കാനാവില്ലെന്നും രജനീകാന്ത് പറഞ്ഞു.

ഡി.എം.കെ അധ്യക്ഷൻ എം. കരുണാനിധിയെയും മുൻ മുഖ്യമന്ത്രി ജയലളിതയെയും പ്രസംഗത്തിൽ പല തവണ രജനി പുകഴ്​ത്തി. ജയലളിതയും കരുണാനിധിയും നല്ല നേതാക്കളായിരുന്നു. അവരുടെ ഇടമാണ് താൻ ലക്ഷ്യം വെക്കുന്നതെന്ന്​ കരഘോഷങ്ങൾക്കിടെ അദ്ദേഹം പറഞ്ഞു.

 

#WATCH: Rajinikanth addresses at Dr MGR Educational and Research Institute in Chennai https://t.co/H7iZvJ0s8O

— ANI (@ANI) March 5, 2018

Rajinikanth leaves from his Poes Garden's residence in Chennai; will unveil statue of MG Ramachandran at the Dr MGR Educational and Research Institute shortly #TamilNadu pic.twitter.com/a8zkR2cJVN

— ANI (@ANI) March 5, 2018