ഗോവ മേളയിൽ ‘എസ്​ ദുർഗ’ക്ക്​ വിലക്ക്​: ഹൈകോടതി വിശദീകരണം തേടി

െകാച്ചി: ജൂറി തെരഞ്ഞെടുത്ത എസ് ദുര്‍ഗ (സെക്‌സി ദുര്‍ഗ) എന്ന സിനിമ ഗോവ അന്താരാഷ്​ട്ര മേളയിൽനിന്ന്​ കേന്ദ്രസർക്കാർ ഒഴിവാക്കിയ നടപടിയിൽ ഹൈകോടതി വിശദീകരണം തേടി. ഇൗ മാസം 20 മുതൽ 28 വരെ നടക്കുന്ന 48ാമത് മേളയിലെ ഇന്ത്യൻ പനോരമ വിഭാഗത്തിൽ പ്രദ​ർശിപ്പിക്കാൻ ജൂറി അനുവദിച്ചിട്ടും വാര്‍ത്തവിതരണ മന്ത്രാലയം നേരിട്ട് സിനിമയെ ഒഴിവാക്കുകയായിരു​െന്നന്ന് കാണിച്ച്​ സംവിധായകൻ സനൽ കുമാർ ശശിധരനാണ്​ കോടതിയെ സമീപിച്ചത്​.

സെക്‌സി ദുര്‍ഗ എന്ന പേരിട്ടതിന്​ ഹിന്ദു തീവ്രവാദികളുടെ പ്രതിഷേധത്തെത്തുടർന്ന്​ സെന്‍സര്‍ ബോര്‍ഡ് ചിത്രത്തി​​െൻറ പേര് എസ് ദുര്‍ഗ എന്ന്​ തിരുത്തിയിരുന്നു. എന്നാൽ, കാരണം ബോധിപ്പിക്കാതെയും നോട്ടീസ്പോലും നൽകാതെയും സിനിമയെ കേന്ദ്രസർക്കാർ തഴയുകയായിരുന്നു​. ഇതിൽ പ്രതിഷേധിച്ച്​ ജൂറി ചെയർമാൻ രാജിവെച്ച സംഭവവുമുണ്ടായി.

സെൻസർ ബോർഡി​​െൻറ യു/എ സർട്ടിഫിക്കറ്റ്​ ലഭിച്ച സിനിമയിൽ അശ്ലീലരംഗങ്ങളോ മറ്റ്​ നിരോധിതഘടകങ്ങളോ ഇല്ല. ഉള്ളടക്കം മനസ്സിലാക്കാതെയാണ്​ സർക്കാർ നടപടി. റോട്ടര്‍ഡാം, അർമീനിയ, ജനീവ ​അന്താരാഷ്​ട്ര മേളകളിൽ ഒമ്പത്​ അവാർഡ്​ നേടിയിട്ടുള്ളതാണ്​ ‘എസ്​ ദുർഗ’യെന്നും ഹരജിയിൽ ചൂണ്ടിക്കാട്ടിയിട്ടുണ്ട്​. ഹരജി വീണ്ടും വ്യാഴാഴ്​ച പരിഗണിക്കും.