വിജയ് സെറ്റിൽ തിരിച്ചെത്തി; സ്വീകരണവുമായി ആരാധകർ

30 മണിക്കൂര്‍ നീണ്ട ആദായ നികുതി വകുപ്പിന്‍റെ ചോദ്യം ചെയ്യലിനും പരിശോധനകള്‍ക്കും ശേഷം തമിഴ് താരം വിജയ് പുതിയ ചിത്രമായ മാസ്റ്ററിന്‍റെ ചിത്രീകരണ സ്ഥലത്ത് തിരിച്ചെത്തി. നെയ്‌വേലിയിലെ സെറ്റിലേക്ക് തിരികെ എത്തിയ വിജയ്‌യെ വന്‍ സ്വീകരണമൊരുക്കിയാണ് ആരാധകരും അണിയറപ്രവര്‍ത്തകരും സ്വീകരിച്ചത്.

തിരികെ വന്ന താരം വാര്‍ത്താ സമ്മേളന ം നടത്തി കാര്യങ്ങള്‍ വിശദീകരിക്കണമെന്ന് ആരാധകര്‍ ആവശ്യപ്പെട്ടു. മാസ്റ്ററിന്റെ ഓഡിയോ ലോഞ്ചില്‍ നിന്നുള്ള വിജയ്‍യുടെ പ്രതികരണത്തിനായും ആരാധകര്‍ കാത്തിരിപ്പിലാണ്.

വിജയ്​​യുടെ വീട്ടിലും സിനിമ നിർമാണ കമ്പനിയായ എ.ജി.എസിൻെറയും വിതരണ കമ്പനിയുടെയും സിനിമക്ക്​ വായ്​പ നൽക​ുന്ന അൻമ്പു ചെഴിയൻെറ കേന്ദ്രങ്ങളിലും ആദായ നികുതി വകുപ്പ്​ ഉദ്യോഗസ്​ഥരുടെ റെയ്​ഡ്​ നടന്നിരുന്നു.​​ 38 കേന്ദ്രങ്ങളിൽ നടത്തിയ പരിശോധനയിൽ കണക്കിൽപെടാത്ത 77 കോടി രൂപ പിടിച്ചെടുത്തതായാണ് ആദായ നികുതി വകുപ്പ്​ പത്രക്കുറിപ്പിൽ അറിയിച്ചത്.

ചെന്നൈയിലെയും മധുരൈയിലെയും രഹസ്യ ​കേന്ദ്രങ്ങളിൽ ഉൾപ്പെടെയാണ്​ റെയ്​ഡ്​ നടത്തിയത്​. നിരവധി രേഖകളും കുറിപ്പുകളും ചെക്കുകളും കണ്ടെടുത്തിട്ടുണ്ട്​. റെയ്​ഡ്​ ഇപ്പോഴും തുടരുകയാണ്​. 'ബിഗിൽ' സിനിമയുടെ ചെലവും ലാഭവുമായി ബന്ധപ്പെട്ട കണക്കുകളിൽ വൈരുധ്യമുണ്ടെന്ന്​ ചൂണ്ടിക്കാട്ടിയാണ്​ റെയ്​ഡ്​. വിജയ്​ കൈപ്പറ്റിയ പ്രതിഫലം സംബന്ധിച്ച കണക്കും അന്വേഷണത്തിൽ ഉൾപ്പെ​ട​ും. നടൻെറ ഭാര്യയെയും ചോദ്യം ചെയ്തതായാണ്​ വിവരം.

വിജയ്​ നായകനായ ബിഗിലിൻെറ നിർമാതാക്കളായ എ.ജി.എസ്​ സിനിമാസിന്​ വായ്​പ നൽകിയത്​ അൻമ്പു ചെഴിയനായിരുന്നു. സിനിമ നിർമാണത്തിന്​ വായ്​പ കൊടുക്കുന്നതിൽ ഏറെ കുപ്രസിദ്ധി നേടിയ ​വ്യക്​തിയാണ്​ അൻമ്പു ചെഴിയൻ. ഇയാളുമായി ബന്ധപ്പെട്ട കേന്ദ്രങ്ങളിലും റെയ്​ഡ്​ നടത്തി​യിട്ടുണ്ട്.

LATEST VIDEOS: